اللبان بديل عمليات التخسيس

بواسطه علياء المحمدى السبت , 26 أغسطس 2017 ,8:05 ص

اللبان بديل عمليات التخسيس


الهدف الأساسي لعمليات التخسيس هو تقليل حجم المعدة وبالتالي الشخص لا يشعر بالجوع ولما ياكل يستهلك كميات أقل بكتير من الاول، وبالتالي الجسم يحرق أكتر من سعراته الحرارية، لكن ممكن نبدل العمليات الجراحية باستخدام اللبان.

ده لأنه عادة سعراته الحرارية قليلة جدًا بتبقى على الأكتر 10 سعرات في القطعة، والأبحاث أثبتت ان له تأثير على الأشخاص في تقليل الشهية حتى لو لوقت قصير، وطبعًا مش كل الأبحاث اللي اتعملت أثبتت نفس النتيجة، لكن في منها اتعمل سنة 2007 على مجموعة من الأشخاص  اللي أكلوا لبان بعد الغدا وبعدين اتقدملهم سناك، ولقوا ان الأشخاص اللي مضغوا لبان اقبالهم على السناك الحلو أو الحادق تقريبا منعدم عكس اللي تجنبوا نفس الفعل.

وكمان الناس اللي بتاكل لبان الصبح بيستهلكوا 67 سعر حراري أقل من غيرهم في الغدا، لأن المضغ الكتير للبانة بيحفز عصب الفك في المخ وده بيوحي للمخ بالشبع والاكتفاء.

ومش المفورض نستنى نقص كبير في الوزن نتيجة أكل اللبان، لكن هو بس بيساعد في أوقات الدايت على تقليل الشهية والاحساس بالجوع، ويفضل اننا نستخدم أنواع السكر بتاعها قليل أو عديمة السكر علشان نحافظ على الأسنان من التسوس ونحرق حوالي 11 كالوري في الساعة.

 

موضوعات متعلقة:

أمراض يعالجها ويقي منها منقوع اللبان المُر



قولى رأيك

تابعنا علي فيسبوك