راندا البحيري ستتوقف عن تشجيع كرة القدم بسبب هذا اللاعب

أثارت الفنانة راندا البحيري الجدل، بعد نشرها صورة للاعب نادي الزمالك محمود عبد الرازق "شيكابالا" على حسابها الرسمي بموقع التواصل الاجتماعي "انستجرام"، معلنة عن تضامنها معه.

حيث كتبت راندا قائلة: "خلصنا ماتش إمبارح؟، طعن محمود عبد الرازق شيكابالا علي عقوبته جلسته يوم ١٢ في الشهر ده بإذن الله، شيكابالا لو متقبلش الطعن بتاعه وحسيت إن فيه عدل أخيرًا بين الفرق وبعضها.. أنا هبطل أشجع أو أتفرج علي كرة قدم تاني.. شكرًا".

وأضافت: "تقدروا تعملوا سيرش علي لينكات واقعة كهربا مع محمد فضل أثناء تسلمهم درع الدوري اللي محصلش فيها أي إجراء قانوني ولا حد عمل لكابتن فضل ولا لكهربا حاجة ساعتها علشان بيلعب في الأهلي، مع الأخد في الاعتبار إن شيكابالا حتي معملش اللي عمله كهربا أصلًا ولا إتعدى على حد ولا ضايق حد، مع حبي وتقديري جداااااا لكهربا اللي فعلاً انا بحبه بجد، بس العدل يا ناس، أهلاوي قبل الزملكاوي لازم تدعم الحق وتنصف المظلوم".

يذكر أن الفنانة راندا البحيري كانت قد شنت هجومًا على الفنانة حلا شيحة، بسبب ما نشرته الأخيرة على حسابها الرسمي على "إنستجرام" عن فيلم "مش أنا" التي تشارك في بطولته مع النجم تامر حسني، وتبرؤها من العمل، حيث أبدت استيائها من مشاهدها، بعد طرح الكليب الخاص بالفيلم.

وقامت راندا البحيري بالرد على هجوم "حلا" على فيلم "مش أنا"، وعلى كلامها عن فتنة زملائها وحبهم للشهرة، عبر حسابها الشخصي على موقع التواصل الاجتماعي "فيس بوك"، قائلة: " فتاتي إزاي تكوني داعية بمنتهى السهولى وتنصحي زمايلك وتنتقديهم؟؟؟؟،  في يوم و ليلة عريس وطرحة اتنين متر وفرح.. بس بقى من تاني يوم حضرتك تقدري كده تبقي رئيسة مجلس إدارة العالم وتقولي مين هيدخل الجنة ومين لا، ده بتقولك احنا بمقاييس ربنا لم و(((لن))) ننجح والعياذ بالله، إن شاء الله أنت".

وتابعت راندا هجومها على حلا، قائلة: "هو محدش فهمها إن اللي بتعمله ده ممكن يعرضها للمساءلة القانوينة وإنها بتضر بسمعة فيلم وبالتالي إيراداته؟؟، وبتتكلم عن ممثل ونجم بحجم تامر حسني بالشكل ده أكنها أحسن منه".

وأضافت راندا: "إحنا كلنا عارفين الخير اللي بيعمله تامر طول عمره في الخفا وفي العلن على إيدينا كلنا، فضله على ناس كتير أوي وربنا جعله سبب لفتح بيوت ادددد كده تقووووم دييي… تنصحه؟؟؟ لالالالا والله هم يضحك".

موضوعات متعلقة:

راندا البحيري تهاجم حلا شيحة بعنف عريس وطرحة ومن تاني يوم تقول مين هيدخل الجنة ومين لا!

راندا البحيري بملابس جريئة وشعر مختلف إطلالة غير متوقعة

راندا البحيري بشعر أخضر غريب موضة جديدة تثير الجدل