هجوم عنيف على الفنانة ياسمين صبري من الناقدة الفنية حنان شومان: ممثلة الريأكشن الواحد
شنت الناقدة الفنية حنان الشومان هجومًا حادًا على الفنانة ياسمين صبري، وذلك خلال مداخلة هاتفية لها مع برنامج "حضرة المواطن" الذي يذاع على قناة "الحدث اليوم" ويقدمه الاعلامي سيد علي.
حيث قالت حنان: "أنا بعتبر ياسمين صبري نجمة على إنستجرام، لأنه بيعتمد على الصورة غير الناطقة، لكن هي عندها مشكلة كبيرة جدًا جدًا في فكرة القبول على الشاشة منذ أن قررت أن تكون بطلة، وهي بقت معروفة بإنها ممثلة الريأكشن الواحد".
وأضافت: "المشكلة إنها كمان عايزة تؤلف أو تعلن التأليف، مسلسلها السنة اللي قبل اللي فاتت أنا عندي المعلومة وبقولها على مسؤوليتي، إن ياسمين صبري كانت بتتفرج على مسلسلات أجنبية وبتقرر أنا عايزة المشهد ده، ومش هي لوحدها، حاجة عبث كامل، معنديش مشكلة إن ممثل يكتشف في نفسه موهبة الكتابة، بس لازم الأول يبقى موهوب كممثل".
