شوفي مع لهلوبة تطور عروسة المولد عبر الزمن
بواسطه روضة إبراهيم الخميس , 30 نوفمبر 2017 ,10:14 ص
.png)
من اشهر العادات عندنا في مصر والعالم العربي هو الاحتفال بذكرى مولد سيد الخلق، ولان عندنا طبع هو ان كل احتفال بيكون مرتبط بنوع معين من الاكلات او الحلويات او مظاهر معينة مرتبطة بالطعام بردوا، كان من الطبيعي ان يبقى عندنا حاجة اسمها "عروسة المولد"، واللي ناس كتير مش بتحس باليوم ده الا لو جابوها وفرحوا بها اولادهم او بدأوا يشوفوها بتزين الشوارع والمحلات المختلفة، وبنحس بيها اكتر في شوارع مصر القديمة، وظهرت عروسة المولد في البداية في ايام العصر الفاطمي، وقدرت تستمر الظاهرة دي لحد يومنا ده، واتعرف معاها كمان "الحصان الحلاوة".
وعروسة المولد بتكون في الاغلب لابسة فستان او متخبي جواها القطع المختلفة من حلاوة المولد النبوي المعروفة زي "السمسمية" و"الفولية" و"الحمصية" وغيرها، او بتكون مصنوعة منها زي عروسة السكر، وعلشان تعرفي بقيت انواعها شوفي باقي الموضوع مع لهلوبة.
وعروسة المولد بتكون في الاغلب لابسة فستان او متخبي جواها القطع المختلفة من حلاوة المولد النبوي المعروفة زي "السمسمية" و"الفولية" و"الحمصية" وغيرها، او بتكون مصنوعة منها زي عروسة السكر، وعلشان تعرفي بقيت انواعها شوفي باقي الموضوع مع لهلوبة.
مراحل تطور عروسة المولد:
- عروسة السكر:
ودي اشهر نوع من انواع عروسة المولد، وبيتم تصنعها من السكر مع مقدار معين من الميه، وبيضاف لها ملح الليمون وبيكون لونها ابيض او احمر، وهو اللون الشائع ليها زمان، وكانت بتتشكل على هيئة عروسة او حصان.
- عروسة السكر المزينة بالورق الملون:
مع تطور العصور بدأ المصريين يدخلوا على طريقة تصنيع وتشكيل عروسة المولد المصنوعة من السكر والنشا مع بعض الالوان، وزينوها باوراق واشرطة ملونة، واسخدموا الزخارف الملونة اللي تميزت بها لحد وقتنا ده.
- عروسة المولد الكروشيه:
اتطورت بعد كده عروسة المولد وبدأ الناس تصنعها من السكر الملون المتزين بالكروشيه، يعني بتلاقي العروسة لابسه فستان ملون مصنوع من الكروشيه علشان يجعلوها مميزة اكتر وشيك ومُلفتة.
.jpg)
- عروسة المولد البلاستيك:
ومع تطور الزمن اصبحت عروسة المولد مش بس بتتاكل لا دي كمان بقت زينة وممكن الاطفال تلعب بها، وعلشان كده اتصنعت من البلاستيك زي اي عروسة لعبة، ولكن المميز فيها علشان تبان ان دي عروسة المولد هو الفستان والمراوح الـ 3 اللي في الضهر، ولكن مع تطور الزمن برده اصبحت غير محتفظة بشكلها المعروف وبقت بتلبس على اخر صيحات الموضة في كل وقت وزمان.
- عروسة المولد الهندية:
ظهر كمان عروسة المولد البلاستيك اللي لابسة ساري هندي، واتخلت عن شكلها المصري التراثي الجميل.
- عروسة المولد المحجبة:
وفي مجموعة من الناس فكرت علشان تتلائم العروسة مع حدث زي المولد النبوي الشريف، انها تصنع عروسة محجبة لابسه عباية وطرحة، وظهرت بشكل ظريف وبتكون زينة في علب حلاوة المولد.
.jpg)
- عروسة المولد المضيئة:
تطورت عروسة المولد كمان لتصل انها تكون مزينة بالمصابيح، وكمان ظهر العروسة اللي بتغني وبتتحرك وبتردد كلمات اغاني من المولد النبوي الشريف.
- عروسة المولد الرقاصة:
وده نوع غريب ظهر مؤخرًا، وهي ان العروسة تكون لابسه بدلة رقص لا تتماشى مع حدث زي المولد النبوي الشريف.
ومن عروسة المولد مئات الاشكال والالوان وكل واحد يختار اللي على ذوقه.
خدى فكره
