صدقي او لا تصدقي الزبدة بتخسس

بواسطه علياء المحمدى السبت , 25 أغسطس 2018 ,9:39 ص

صدقي او لا تصدقي الزبدة بتخسس


صدقي او لا تصدقي الزبدة بتخسس، البحث عن الرشاقة رحلة طويلة، وخلالها ممكن نقع في غلطات كتير منها اننا نحرم نفسنا من اكلات مهمة او نمنع النشويات تمامًا وبعدها بنستغرب من قلة الحرق أو ثبات الوزن، وده لاننا مش عارفين ان في اكلات سعراتها الحرارية عالية لكن مفيدة جدًا لنقص الوزن لانها بتزود الحرق، علشان كده لهلوبة بتفكرك ببعض الاطعمة اللي ممكن تدخليها على نظامك الغذائي بكميات معقولة وبالتالي تزود الحرق وتحافظي على الريجيم.

 

- الزبدة:

خصوصا البلدي الطبيعية، بيكون فيها دهون مفيدة للجسم ومغذيات مهمة له، ملعقة منها على الأكل يوميًا اكيد بتفيد في التخسيس.

 

- الموز:

يعتبر من الفواكه ذات السعرات الحرارية العالية وغالبًا دكاترة التخسيس بيمنعوه، لكن له فوايد صحية كتير جدا منها انه بيزود الحرق وبيساعد على انقاص الوزن خصوصًا لو اكلناه قبل او بعد الرياضة لانه كمان بيدي طاقة.

 

- الحليب كامل الدسم:

بيبقى أول حاجة نجنبها في الدايت وبنلجأ لخالي أو نص الدسم أو نص الدسم، لكن الحقيقة انه يعتبر من افيد الانواع للجسم علشان التخسيس مش بس التغذية، لانه بيزود الجسم بالبروتين اللازم والكالسيوم وبيعلي معدل الحرق وبيعوض الجسم بدهون مفيدة بدل الدهون المؤذية.

 

- صفار البيض:

البيض من أشهر اكلات الدايت لكن في ناس بتتجنب الصفار وتاكل البياض بس ظنًا منهم ان سعراته الحرارية عالية ومضر للتخسيس، لكن الصفار مهم زي البياض بالظبط واكتر لأنه غني بفيتامينات "أ" و "كـ2" وفيتامين "ب" وتوفير الفيتامينات دي في الجسم بيزود الحرق ويخسس.


موضوعات متعلقة:

8 نصائح لإنقاص الوزن بعد سن الأربعين

10 نصائح من سالى فؤاد لإنقاص الوزن وحرق الدهون

رجيم التفاح لإنقاص الوزن في خمسة أيام فقط

رجيم النقاط ‏يفقدك الوزن بدون تحديد للأطعمة



قولى رأيك

تابعنا علي فيسبوك