اعترافات الفنانة صابرين عن الحجاب تحدث ضجة بمواقع التواصل الاجتماعي.. ما الحكاية؟

بواسطه هند جمال الأربعاء , 28 يوليو 2021 ,9:53 ص

اعترافات الفنانة صابرين عن الحجاب تحدث ضجة بمواقع التواصل الاجتماعي ما الحكاية


كشفت الفنانة صابرين خلال استضافتها ببرنامج "كلمة أخيرة" الذي يذاع على قناة ON وتقدمه الإعلامية لميس الحديدي، أنها كانت صادقة عندما اتخذت قرار الحجاب، مشيرة إلى أن ما كان يدور في عقلها ودفعها إلى خلعه بعد ذلك.

حيث قالت صابرين: "الحجاب كان في حالة انفصال في البيت ولخبطة، أهم حاجة الواحد يعمل اللي بيحبه بصدق، ولما قررت أفك الحجاب قولت أنا مش بعمل الصح أوي وليه أبقى بوشين ولا 3 وشوش، وليه مواربة باب".

وأضافت: "الناس بتهاجمني عشان الباروكة، وأنا لما كنت بقعد مع نفسي كنت بقول أهو الباروكة أحسن ما أعمل حاجة تانية، بعدين قولت لنفسي أنا مكنتش بلبس حاجة والناس كانت بتشيد باحترام الأدوار، والناس ابتدت تعلق الشماعة ليا، وقولت يعني إيه لو كسبت العالم وخسرت نفسي".

وتابعت: "وحسيت إني حابة نفسي أكثر وفي تصالح والعلاقة مع ربنا بيني وبينه، ومحدش بيسألني أنت صليتي ولا لأ وصومتي ولا لأ، ومحدش بيعرف واجباتك في السر".

واختتمت صابرين قائلة: "دايمًا كنت بقول اللي هينزل معايا القبر يحاسبني، وكان في تعليقات ناس تقولي إحنا بنحبك في الله وبننصحك وأنا بحب ده وبحترمه، وفي ناس بقى تخصص تهزيق وبهدلة، وكانوا لجان وبيكون باين مين بينصح بمحبة ومين بيشوط وخلاص".

كما تحدثت الفنانة صابرين عن فترة إصابتها بكورونا قائلة: "أخويا وجوزي تقريبًا ماتوا وصحيوا تاني وساعتها متعبتش كنت بخدمهم، وانعزال كل شخص ده كان صعب جدًا، وأول لما عرفت إني عندي كورونا بنت أخويا الصغيرة جت من الحضانة حاملة الفيروس، ونشرته عندنا، وبعدين أمها قالت أنت بتعملوا بطاطا أنا مش شامة حاجة، وكلنا عملنا المسحة بعدها كله جاله كورونا، كنت قلقانة مين هيخدم العدد ده كله، وقلقت على ماما جدًا وجالها كورونا واتعالجت مقولنلهاش، وده كان بعد رحيل عدد كبير من الفنانين بسبب كورونا، وكل ده عشان نفسيتها لأن العلاج متوقف عليها".

موضوعات متعلقة:

صابرين تنتقد حلا شيحة موقف حلا كان مريب!

صابرين تحدث ضجة بمواقع التواصل الاجتماعي بأول لايف من منزلها

أحمد السقا يجبر خاطر صابرين في أول ظهور لها بدون حجاب شاهد ماذا فعل؟

صابرين تنفعل في شيخ الحارة أنا مش محجبة ولو كنت عاملة شعري كنت قلعت الحجاب



قولى رأيك

تابعنا علي فيسبوك