حاجات بسيطة تفرحها بيها في عيد الحب.. مش لازم ورد يا إبراهيم

بواسطه إسراء صادق الاحد , 4 نوفمبر 2018 ,10:01 ص

حاجات بسيطة تفرحها بيها في عيد الحب مش لازم ورد يا إبراهيم


طبعا كلنا عارفين ان الدنيا غليت وبالتالي كل اللي يعتبر رمز من رموز الرومانسية والراعي الرسمي لعيد الحب غلي زي الورد والشوكولاتة  كابسط الهدايا فما بالك بالاكبر، علشان كده احنا في لهلوبة قررنا نساعدك الزوج بافكار بسيطة كلها عبارة عن تصرفات بتعبر عن تقديرك لزوجتك من غير تكلفة وتأكد انك تقدر تجعلها مبسوطة بيها جدا: 

1- جبلها الفطار في السرير اليوم ده. 
2- لو بتشتغل وصلها بنفسك، وجبلها فطار، وقولها انها اهم حد في حياتك وانك بتخاف عليها جدا.
3- كلمها وانت في شغلك قولها بلاش تعمل وانك هتجيب معاك وانت راجع او انك عازمها على الغدا بره. 
4- لو قررتوا تتغدوا في البيت اغسل انت المواعبن بدالها. 
5- لو عندكم اولاد اطلب منها توديهم عند مامتها مثلا وقولها انك حابب تقضوا اليوم ده لوحدكم وانك مهتم تديها وقتك كله اليوم ده.
6- اطلب منها بليل تدخلوا المطبخ سوا وتعملوا تورتة او اي حاجة حلوة بتحبوها مع بعض وكلوها وانتم بتتفرجوا على فيلمكم المفضل. 
7- دردشوا مع بعض وفكرها بايام الخطوبة واول مرة شفتها فيها واهم التواريخ في حياتها عرفها انك مش ناسيها. 
8- ردد انها حلوة كل يوم بس النهاردة حلوة شوية، وياريت تكون حاسس ده فعلا مش بتجاملها.
9- لو زعلتها من فترة قريبة اعتذرلها وقولها انك عمرك ما كنت تقصد تضايقها. 
10- اكد عليها انك بتعتبر اليوم تجديد لحبكم وعلاقتكم مش اكتر لكن انت بتحبها في كل الايام مش يوم واحد. 

مش لازم تعمل كل الاقتراحات دي مع بعض لو حاجة واحدة منهم او اتنين ده اكيد بيفرحها، وكمان لو في استطاعتك تشتري ليها أي حاجة بسيطة مع التصرفات الحلوة دي يبقى كويس لكن لو مش قادر تأكد ان كفاية اوي تحس انك مقدرها وعايز تفرحها ساعتها بتبقى اسعد واحدة في الدنيا وهي كمان بالتالي هتبتكر أفكار وتصرفات علشان تفرحك في اليوم ده وممكن كمان يبقى بداية علشان ترجعوا  تقربوا من بعض تاني لو مشاغل الحياة بعدتكم. 
 
 
مواضيع متعلقة:



قولى رأيك

تابعنا علي فيسبوك