راندا البحيري تهاجم حلا شيحة بعنف: عريس وطرحة ومن تاني يوم تقول مين هيدخل الجنة ومين لا!

بواسطه روضة إبراهيم الخميس , 15 يوليو 2021 ,1:24 م

راندا البحيري تهاجم حلا شيحة بعنف: عريس وطرحة ومن تاني يوم تقول مين هي


شنت الفنانة راندا البحيري هجومًا لاذعًا على الفنانة حلا شيحة، بسبب ما نشرته الأخيرة على حسابها الرسمي على "إنستجرام" عن فيلم "مش أنا" التي تشارك في بطولته مع النجم تامر حسني، وتبرؤها من العمل، حيث أبدت استيائها من مشاهدها، بعد طرح الكليب الخاص بالفيلم.

وقامت راندا البحيري بالرد على هجوم "حلا" على فيلم "مش أنا"، وعلى كلامها عن فتنة زملائها وحبهم للشهرة، عبر حسابها الشخصي على موقع التواصل الاجتماعي "فيس بوك"، قائلة: " فتاتي إزاي تكوني داعية بمنتهى السهولى وتنصحي زمايلك وتنتقديهم؟؟؟؟،  في يوم و ليلة عريس وطرحة اتنين متر وفرح.. بس بقى من تاني يوم حضرتك تقدري كده تبقي رئيسة مجلس إدارة العالم وتقولي مين هيدخل الجنة ومين لا، ده بتقولك احنا بمقاييس ربنا لم و(((لن))) ننجح والعياذ بالله، إن شاء الله أنت".

راندا البحيري تهاجم حلا شيحة بعنف

وتابعت راندا هجومها على حلا، قائلة: "هو محدش فهمها إن اللي بتعمله ده ممكن يعرضها للمساءلة القانوينة وإنها بتضر بسمعة فيلم وبالتالي إيراداته؟؟، وبتتكلم عن ممثل ونجم بحجم تامر حسني بالشكل ده أكنها أحسن منه".

وأضافت راندا: "إحنا كلنا عارفين الخير اللي بيعمله تامر طول عمره في الخفا وفي العلن على إيدينا كلنا، فضله على ناس كتير أوي وربنا جعله سبب لفتح بيوت ادددد كده تقووووم دييي… تنصحه؟؟؟ لالالالا والله هم يضحك".

راندا البحيري تهاجم حلا شيحة بعنف

السبب الحقيقي لعدم حضور حلا شيحة العرض الخاص لفيلمها مع تامر حسني!

وكانت حلا شيحة قد وجهت رسالة لصناع كليب فيلم "مش أنا"، عبر حسابها الشخصي على "إنستجرام"، قائلة: "أنا اتفاجئت جدًا بنزول كليب يجمع فيه مشاهد متفرقة من الفيلم، وفي أيام ذي الحجة أيام مباركة، وخصوصًا بعد أخر بوست نزلته ووضحت فيه أنا إيه..، واتفاجئت أكتر خصوصًا بعد وعد تامر حسني ليا وتأكيده إنه هيحترم رغبتي وبعض الطلبات اللي طلبتها منه بكل احترام وود الصيف اللي فات، وأكدلي إنه هيحترم رغبتي، إحنا يمكن نجحنا بمقايس الدنيا بس صدقوني بمقايس ربنا احنا لم ولن ننجح".

وأضافت: "أنا عارفة ومتأكدة إن زملائي جواهم خير بس للأسف فتنة الشهرة والنجاح مش بتخلينا نشوف ونقيس الأمور صح، بتكلم من قلبي الكليب ده ميرضيش ربنا وأنا عيطت لإني شفت نفسي في المشاهد دي، دي كانت زلة نتيجة ظروف مريت بيها وكلنا بنغلط ولازم نغلط علشان احنا بشر، بس المصيبة إننا بنغفل وبننسى".

وتابعت حلا: "أنا مش هتكسف من حد أنا تبت من المشاهد دي وهي لا تصح وأنا غلطت وبصلح وأهم حاجة إن ربنا يرضى عني، لأن في الأخر ده اللي هينفعنا مش الشهرة ولا النجاح، لا هو مش نجاح أصلًا، علشان النجاح الحقيقي حاجة تانية خالص، احنا أغلبنا ناسيها إلا القليلين منا".

وأكملت حلا: "الفن لو بيخلينا نبعد عن منهج ربنا ومنبقاش قدوة لولادنا يبقي باطل وميبقاش فن، احنا كلنا عندنا امتحان في الدنيا دي وحابة أفكرك بالفيديو ده يا تامر اللي قولت فيه أنا مش بتمنى أموت وأنا مطرب أنا دايما خايف من كده، كلام أكيد قولته في لحظة صدق جواك وجوانا كلنا، شوفه تاني يمكن يفكرك إن جواك أكيد في صراع وأنا وكلنا".

واختتمت كلامها: "كلنا بنغلط بس المهم في الأخر نتدارك الغلط ونصلح، {إِلَّا مَن تَابَ وَءَامَنَ وَعَمِلَ عَمَلࣰا صَـٰلِحࣰا فَأُو۟لَـٰۤىِٕكَ یُبَدِّلُ ٱللَّهُ سَیِّـَٔاتِهِمۡ حَسَنَـٰتࣲۗ وَكَانَ ٱللَّهُ غَفُورࣰا رَّحِیمࣰا}.. الله على كلام الله وجماله، يا سلام لو أصواتنا ومواهبنا كلها نستعملها في الخير عشان يبقى فن بجد".

يذكر أن فيلم "مش أنا" كان يمثل عودة لحلا شيحة للسينما بعد قرار عودتها عن قرار الاعتزال، فكان أخر فيلم سينمائي شاركت فيه هو "كامل الأوصاف" الذي عرض عام 2006، من بطولة عامر منيب، وحلا شيحة، وعلا غانم، ومن تأليف أحمد البيه، وإخراج أحمد البدري.

 

موضوعات متعلقة:

راندا البحيري ستتوقف عن تشجيع كرة القدم بسبب هذا اللاعب

والد حلا شيحة يرد على هجومها على تامر حسني وفيلم مش أنا مش بنتي اللي أعرفها وهي كانت معجبة جدًا بالفيلم!

حلا شيحة تحدث ضجة بمواقع التواصل الاجتماعي برسالتها لصناع هذا الكليب بتكلم من قلبي الكليب ده ميرضيش ربنا!

هجوم شديد على حلا شيحة بعد رسالتها للفنان تامر حسني ما الحكاية؟


قولى رأيك

تابعنا علي فيسبوك