اترعب في بيتك.. افلام تشوفها ليلة الهالووين
بواسطه روضة إبراهيم الإثنين , 30 أكتوبر 2017 ,4:02 م
.png)
كتير من المصرين متعلقين بالفرجة على الافلام، وفي يوم عيد الهالوين بيلجأ لتقضيته في البيت علشان طقوس اليوم ده مش بتتناسب معانا، وافضل انبساط تحس بيه من غير ما تتحرك من بيتك هي انك تتفرج على مجموعة افلام مرعبة تحسسك بجو اليوم، علشان كده لهلوبة هتقولك الافلام اللي ممكن تشوفها في ليلة عيد الهالووين.
- فيلم Dracula Untold:
قصة الفيلم: الفيلم بيدور حولين الامير فلاد تيبيس اللي مملكته مهددة من قبل الاتراك، فبيتحول لوحش علشان يخشى منه شعبه، للحصول على الطاقة اللازمة لحماية افراد اسرته واسر مملكته.
قصة الفيلم: الفيلم بيدور حولين الامير فلاد تيبيس اللي مملكته مهددة من قبل الاتراك، فبيتحول لوحش علشان يخشى منه شعبه، للحصول على الطاقة اللازمة لحماية افراد اسرته واسر مملكته.
انتاج سنة 2014.
مدة الفيلم: ساعة ونص.
- فيلم Poltergeist:
قصة الفيلم: تكتشف اسرة "فريلينغ" ان منزلهم مبني فوق مقبرة، وده بيجعلهم يدخلوا في رحلة مُرعبة لطرد الارواح الشريرة من بيتهم، علشان ينقذوا بنتهم الصغيرة من الارواح دي، وساعد الاسرة في ده اخصائي علم الارواح.
انتاج سنة: 1982.
مدة الفيلم: ساعة و54 دقيقة.
- فيلم Signs:
قصة الفيلم: عائلة تعيش في مزرعة وبيلاحظوا ظهور دوابر غريبة وغامضة في المحاصيل، ولم يستطع اي حد منهم فهم معنى ده، ولكن ده معناه ان في حاجة مُخيفة ممكن تحصل في المستقبل، وبعدين عرفوا انهم مش لوحدهم في المزرعة وان في مخلوق غريب عايش معاهم.
انتاج سنة: 2002.
مدة الفيلم: ساعة 47 دقيقة.
- فيلم The Village:
قصة الفيلم: الفيلم بيتكلم عن قرية "كوفينغتون" اللي بيعيش سكنها في خوف من المخلوقات الغريبة العايشة معاهم، وبيتواصلوا مع الوقت لاتفاق بينهم وبين الوحوش دي، وفي الفيلم بنعرف ايه هو الاتفاق ده علشان يعيشوا بسلام، من غير ما تغضب الوحوش، واللي بيكون سبب في نهاية القرية.
انتاج سنة 2004.
مدة الفيلم: ساعة 47 دقيقة.
- فيلم Corpse Bride:
قصة الفيلم: هو من افلام الرسوم المتحركة اللي بتدور قصته في العصر الفيكتوري، وبيتكلم عن راجل اتجوز جثة عن طريق الخطأ، وفكرته مستوحاة من قصة شعبية روسية تعود لقرون من الزمن.
انتاج سنة: 2005.
مدة الفيلم: ساعة و17 دقيقة.
- فيلم The Ring:
قصة الفيلم: بيدور حول شريط فيديو غامض كل اللي يشوفه تجيله مكالمة تليفون وبعدها الشخص يموت في اسبوع من مشاهدته ليه، قصة غريبة ومُرعبة بانصحك لو ليك في الرعب، تشوفه ليلة الهالووين.
انتاج سنة: 2002.
مدة الفيلم: ساعتين و25 دقيقة.
- فيلم The Sixth Sense:
قصة الفيلم: بيدور حول طفل صغير بيتصل بالارواح، وبيسعى طبيب نفسي لعلاج الطفل ده، بسبب اللي بيشوفه، وبيدخل في رحلة مُرعبة طويلة.
انتاج سنة 1999.
مدة الفيلم: ساعة و47 دقيقة.
- The Others
قصة الفيلم: بتدور حول سيدة انتقلت مع عائلتها في منزل قديم، في انتظار عودة جوزها من الحرب العالمية التانية، على الرغم من اعلانه انه من المفقودين، وبتبدأ بعدها العيلة في رؤية الاشباح، وبيعرفوا وقتها ان البيت ده مسكون.
انتاج سنة: 2001.
مدة الفيلم: ساعة و44 دقيقة.
- فيلم The Skeleton Key:
قصة الفيلم: بتدور حول ممرضة انتقلت لتعيش مع مريض بسكتة دماغية علشان تتابع حالته، وهي هناك في البيت بدأت تلاحظ ان في سر غريب في البيت ده، لو اتفرجت على الفيلم هتعرف بنفسك ايه اللي بيحصل في المكان ده.
انتاج سنة: 2005.
مدة الفيلم: ساعة و44 دقيقة.
خدى فكره
