اكسري مود الاكتئاب ببساطة.. وخليكي فريش
بواسطه شيماء عبدالشافي الثلاثاء , 31 أكتوبر 2017 ,10:08 ص
.png)
انتشرعلى وسائل التواصل الاجتماعي هاشتاج بعنوان"احنا ضد الاكتئاب"، بيحاول الشباب من خلاله انهم يساندوا بعض ويحكوا عن تجاربهم مع الاكتئاب المنتشر، وازاي ممكن يخرجوا بره دايرته، وينشروا الطاقة الايجابية واسباب السعادة علشان يتخطوا المرحلة دي لان الجو العام بقى محبط جدًا، ولو تركنا نفسنا كده من غير ما نحاول نوقفه ممكن يقضي علينا كلنا.
لهلوبة بتعرفك على خطوات من خلالها تتجنبي الاكتئاب، وهي:
1- جاور السعيد تسعد:
حاولي تصاحبي الناس الفرفوشة الحلوة اللي بتحب الضحك، وابعدي عن الناس الكئيبة على قد ما تقدري، لان السعادة او الحزن حالة معدية وحسب نوعية الناس اللي حواليكي حالتك النفسية بتتغير.
2- المزيكا:
المزيكا من الحاجات اللي ممكن تفصلك شوية عن الواقع، وتظبط يومك، شغلي تراك بتحبيه واتنططي معاه للصبح.
3- الخروج:
حلو انك تغيري جو لان قاعدة البيت بتجيب اكتئاب، حاولي تشوفي اماكن جديدة، وتتعرفي على ناس مختلفة.
4- الاكل:
طبعًا احنا شعب بيحب الاكل بشكل غريب وخصوصا البنات اللي بياكلوا سواء فرحانين او زعلانين، ومفيش حاجة ممكن تمنعنا عنه الا الموت حتى الدايت مش بيعرف يبعدنا عنه، متخيلة معايا حلة محشي ممكن تعمل فيكي ايه، او شاورما سوري تومية زيادة، مش هتكلم انت اكيد عارفة.
5- الشوكولاته:
دي بقى في كفة وكل الدنيا في كفة هي وكل حاجة داخلة في تكوينها، هوت شوكلت، وافل، كاب كيك واي حاجة من ريحتها ممكن بسببها تكوني سعيدة حرفيًا.
6- المسرح:
ما اكتر المسرحيات دلوقتي الشبابية ومعظمها بتوصل رسالة فعلاً ودمهم خفيف تجعلك تنسى كل اللى مزعلك وتضحكي من قلبك.
ما اكتر المسرحيات دلوقتي الشبابية ومعظمها بتوصل رسالة فعلاً ودمهم خفيف تجعلك تنسى كل اللى مزعلك وتضحكي من قلبك.
7- الرياضة:
بتخرج الطاقة السلبية وبتقلل من توترك بشكل رهيب وفي نفس الوقت مفيدة جدًا لصحتك وحالتك النفسية، ولو مفيش رياضة معينة بتمارسيها تقدري تنزلي تجري وتحسي انك احسن وتستمتعي.
8- المشي:
يا سلام لما تتمشي بعد المغرب على الكورنيش مع كوباية حمص شام أو سحلب سخن، أو حتى تاكلي درة مشوي.
9- السينما:
لو ليكي في الافلام يبقى مفيش احلى من انك تدخلي سينما وتتفرجي على فيلم بتحبيه، او تجيبي اللاب توب بتاعك وطبق فشار كبير و تشغلي فيلم وتعيشي براحتك معاه.
10- الحيوانات:
احن كائنات على الواحد وساعات كمان بتكون احن مننا على بعض، لو عندك كلب او قطة بيبقى في دايما احساس بحب رهيب ناحيتهم وبتلاقيهم بيحسوا بكي، كفاية شوية اللعب معاهم دول بالدنيا والله.
11- العجل:
انزلي بالعجلة بتاعتك ولفي في الشوارع براحتك والهيدفون في ودانك.
12- استغلي وقتك صح:
حاولي تنظمي وقتك وتمارسي هوايتك اللي بتحبيها سواء كانت قراءة، كتابة، رسم او غيرها المهم تبقى بتعملي الحاجة اللي بتحبيها لانها بتحسسك بالسعادة.
13- الرقص:
دي نقطة بتاعتنا بقى بلا منافس حقيقي، ومفيش كلام ممكن يتقال فيها، بس ده من ابسط الحاجات اللى ممكن نظبط مودنا بيها بجانب انه بيقلل وزنك، وبيقلل التوتر والضغط، وكمان بيقلل الاكتئاب وبيرفع معنوياتك.
دي نقطة بتاعتنا بقى بلا منافس حقيقي، ومفيش كلام ممكن يتقال فيها، بس ده من ابسط الحاجات اللى ممكن نظبط مودنا بيها بجانب انه بيقلل وزنك، وبيقلل التوتر والضغط، وكمان بيقلل الاكتئاب وبيرفع معنوياتك.
خدى فكره
