فوايد اليوجا في فترة الحمل.. وخطوات بسيطة لممارستها في البيت

بواسطه إسراء صادق السبت , 26 مايو 2018 ,11:22 م

فوايد اليوجا في فترة الحمل وخطوات بسيطة لممارستها في البيت


بعكس ما كتير من السيدات معتقدة ان الافضل تبطل رياضة وتمرينات خلال فترة الحمل، الا انه من الافضل انها تستمر بعد مرور الأشهر الأولى اللي بيثبت فيهم الحمل، بعدها ممارسة الرياضة بتكون مفيدة وخاصة "اليوجا"، لأنها بتساعد القلب يضخ الدم بشكل أفضل وبتقوي العضلات وبتعطيكي شعور بالنشاط والحيوية ده غير انها بتقلل التوتر.

اليوجا بخلاف مميزاتها العامة ليها كمان فوايد خاصة بالحمل منها:

1- يساعد الحامل على الشعور بالنشاط وبيزود قدرتها على التحمل.

2- تقوية عضلات قاع الحوض وتمددها وده اللي بيأمن ثبات الحمل وبيمنحها ليونة في الحركة.

3- تساعد على تهيئة قلب الأم للأحمال اللي بتواجهها خلال فترة الحمل وبعد الولادة، وبتساعد على تخفيف آلام الظهر وتوسع الأوردة.

3- التنفس العميق والتأمل اللي بتمارسيه في اليوجا بيساعدك تتخلصي من الخوف والتوتر قبل الولادة.

4- بعض وضعيات اليوجا مع الممارسة المنتظمة بتساعد في تعديل مسار الطفل داخل رحم الأم في أفضل وضع للولادة الطبيعة.

5- لليوجا كمان فوايد في استعادة الوقفة الجيدة وصقل عضلات أسفل الظهر والبطن.
 
بس أكيد وانتي حامل مش بتبذلي نفس المجهود في التمرين وهيكون في خطوات معينة يفضل تتبعيها لضمان سلامتك انتي والجنين:  

1- الالتواء الزايد مع اقتراب الولادة ممنوع، وكمان الانقلاب بالكامل مع بداية النص التاني من أشهر الحمل.

2- بلاش تبالغي في سرعة الحركات اللي بتقومي بيها، يعني مثلا اتجنبي الحركات المفاجئة أو المجهدة علشان ممكن يسبب انخفاض ضغط الدم الشائع في فترة الجمل.

3- قللي المدة اللي بتقفي فيها خلال التمرين عن الطبيعي عشان تخفي الإرهاق عن الجنين.  

4- بلاش تاكلي قبل وقت اليوجا مباشرة علشان معدتك مش هتتحمل في الوقت ده الأكل مع الحركة.

ودلوقتي نسيبك مع بعض حركات اليوجا المفيدة لعظام الحوض والظهر: 




قولى رأيك

تابعنا علي فيسبوك