أكشن شوارع مدينة نصر..بنت مصرية تنقذ شاب سوري من الخطف
بواسطه إسراء صادق الإثنين , 23 أكتوبر 2017 ,5:27 م
.png)
في بادرة شجاعة وجريئة، قامت فتاة بعمل بطولي اتعودنا نسمعه بالعكس، وهو انقاذ شاب لفتاة من الخطف أو الاعتداء او غيره، بس اللي حصل ان البنت اللي أثارت ضجة على مواقع التواصل الاجتماعي بمطقع فيديو نشرته على صفحتها، انقذت شاب سوري من الخطف بمحض الصدفة، لكنها بدون تفكير في العواقب بدأت في محاولات الإنقاذ باستماتة بصحبة أهلها.
يارا علاء الدين، هي البنت اللي كانت بصحبة والدها ووالدتها واختها في شارع حسنين هيكل بمدينة نصر بالأمس، وفجأة لاحظت سيارة بتجري بجانبهم وداخلها حركة غير طبيعية وراكبها مجموعة من الملثمين، بشكل بديهي أول حاجة جت في بال يارا ان السيارة خاطفة بنت بس اللي اتضح بعد كده انها خاطفة شاب سوري بيحاول المقاومة.
بدأت يارا في الصراخ مع ملاحقة سيارة والدها لسيارة الملثمين حتى تمكن من توقيف سيارة الملثمين بالقوة وتجمع حولهم المارة اللي وجهوا للمختطفين عدد من الضربات قبل أن تحضر الشرطة للتحقيق.
ونشرت في على صفحتها على "فيسبوك" تفاصيل الواقعة، اللي ختمتها برسالة قالت فيها: "للى عايزه اقولوا ان اللي بيتخطف مش بس بنات لا ده كمان شباب خدو بالكم من نفسكم متامنوش لحد على اد ما فى اكيد ناس كتير اوى كويسه مع الاسف المش كويسين كتير برده ربنا يحفظ الجميع".
خدى فكره
