لو لسه متحجبة جديد.. استوحي اطلالتك من امل حجازي بعد الحجاب

بواسطه روضة إبراهيم السبت , 21 أكتوبر 2017 ,12:58 م



الحجاب من الخطوات اللي فيها تغير كامل لشكل حياة البنت، لو قررتي تلبسيه اكيد محتاجة تبصي على طرق مختلفة لتنسيق الملابس معاه، وزي ما احنا عارفين ان الفنانة امل حجازي ارتدته من شهر تقريبًا، علشان كده ممكن تستوحي اطلالتك منها، خصوصًا انها بدأت تشارك جمهورها على مواقع التواصل الاجتماعي صورها به.

لو لسه متحجبة جديد البسي على طريقة امل حجازي:

- اللون الاسود يعتبر اساسي في كل اطلالتها، ولو بتحبي اللون ده ممكن تعملي زيها، بارتداءه مع التايجر، او الرمادي، وساعات بتدخل الكارديجان كقطعة ملونة.

 

- بتعتمد في لبسها على البناطيل الواسعة، وكمان ارتداء الجيب لتنويع الاطلالات.

 

- بتحاول تغير في اشكال لفات الطرح علشان يكون في تجديد في اطلالتها، ممكن تستوحي منها افكار.

 

- لو رايحة سهرة او فرح لحد مهم، بنلاقي ان امل مختارة لفة حجاب تناسب السهرات، معتمدة فيها على طرحة منقوش بالالوان، ومستخدمة بروش لامع لتزين الطرحة.

 

موضوعات متعلقة:

5 نصائح للمحجبات لاختيار ملابس شتوية أنيقة


قولى رأيك

تابعنا علي فيسبوك