زيني ضوافرك باشكال مُخيفة لاستقبال الهالوين

بواسطه روضة إبراهيم الأربعاء , 18 أكتوبر 2017 ,11:04 ص



عيد الهالوين من الاعياد العالمية الغريبة اللي بيعتمد فيها كل شخص على اظهار الجزء المرعب اللي جواه، ولان الستات جزء من العالم ده، دايمًا هتلاقيها بتحب تشارك في كل المناسابات، علشان كده بتظهر في حفلات الهالوين بملابس غير تقليدية ومُخيفة، ومش هتنسى تعمل تسريحة شعر غريبة، واختيار الجزمة والشنطة اكيد لازم يتماشى مع اللبس الغريب، بس علشان الاطلالة تكمل ممكن تهتمي باظهار ضوافرك بتزينهم برسومات غريبة ومرعبة.

ولان ضوافر البنات جزء من جمالها، يبقى اكيد البنات اللي بتحب تهتم بيهم في العادي، هتهتم تظهرهم يوم 31 اكتوبر، عيد الهالوين، بشكل مخيف ومرعب علشان تلائم الجو المرعب، ولهلوبة هتعرفك على بعض الافكار لتزيين الضوافر، علشان تتماشي مع مود اليوم ده.

يعني مثلًا ممكن ترسمي عليهم نقط دم، او تعتمدي على اللون الاسود في اظهارهم، وممكن ترسمي عليهم شكل المهرج المخيف، او اشكال اشباح بيضا على خلفية سودا.

"لهلوبة" هتوريكم النهاردة اكتر الضوافر رعبًا اللي ممكن تشوفيها طوال السنة، لو عندك الجرأة انك تجربيها خوضي التجربة.



قولى رأيك

تابعنا علي فيسبوك