فساتين سهرة في فصل الخريف تناسب الجسم الكيرفي

بواسطه روضة إبراهيم الاحد , 5 نوفمبر 2017 ,10:36 ص



 في فصل الخريف بتحلى الافراح والمناسبات السعيدة، وهنا بنلجأ للبس فساتين السهرة الشيك واللي بتجعلنا نظهر بشكل انيق وجذاب، وبنطلع من فكرة المرأة العاملة لفكرة المرأة الكلاسي الجذابة، وفي بنات كتير مش بتعرف تلبس فساتين تناسب فصل الخريف ببرودته الخفيفة الحلوة، وكمان لو كنتي صاحبة جسم كيرفي شوية بتلاقيكي محتارة في اختيار قصة مناسبة لكي ولشكل جسمك، علشان كده لهلوبة جيه تقولك انسب فساتين سهرة تتلبس في الخريف وتناسب جسمك.


البنات الكيرفي دايمًا بتحتار في اختيار لبسها في اي مناسبة، وفي الاغلب بتلجأ انه يكون فستان حاد وبألوان غامقة، لكن ممكن تختاري قصات ناعمة وتبين انحنائات جسمك بشكل شيك وجذاب من غير ما يبين اي ديفوهات.


ممكن تختاري فساتين ملونة بألوان الاحمر والازرق والقرمزي والاخضر بدرجاته والبنفسجي، ده مناسب في فصل الخريف، وملائم لشكل جسمك ولحضور المناسبات الخاصة.


راعي وانتي بتختاري الفستان انك تبعدي عن الاقمشة اللامعة والمبهرجة بالالوان الكتيرة، وركزي اكتر مع اللي فيها تفاصيل اكتر في منطقة الكتف، والفساتين صاحبة اللون الواحد.


ركزي وانتي بتختاري طول الفستان، يعني ممكن يكون من الفساتين القصيرة اللي بيكون طولها لحد الركبة مثلًا مش اقصر من كده، او الطويل المفتوح شوية من تحت ومبين الرجل، او الطويل خالص.


ولازم في الاول تعرفي ايه اللي بيليق على جسمك وتختاريه وتضعي في اعتبارك مجموعة النصايح اللي لهلوبة قالتهالك.



قولى رأيك

تابعنا علي فيسبوك