بالصور.. بناطيل الفراخ المقلية موضة غريبة في اليابان
بواسطه روضة إبراهيم الخميس , 19 أكتوبر 2017 ,9:24 ص
.png)
طبعًا كل الستات بتحب تتابع اخر صيحات الموضة العالمية، بس ركزي كويس مش كل حاجة ينفع نقلدها يا اما ممكن تقلبي "بطة بلدي"، بالظبط كده زي ما سمعتي، الموضة العالمية بتعتمد اكتر على الجنون في التصميم، واحنا هنا في مصر مجتمع محافظ واي جديد ومجنون بيتبصله بغرابة جدًا فاحذري.
ومن الموضة الغريبة اللي ظهرت في اليابان الفترة اللي فاتت وقلبت مواقع التواصل الاجتماعي، شكل بناطيل رجل الفراخ، وتعتبر اغرب الصيحات اللي ظهرت مؤخرًا.
اللي ناس كتير لا تعلمه، ان في شركة يابانية فكرت تعمل تصميم غريب من البناطيل علشان تلفت الانظار، لحد ما وصلت للشكل ده، المستوحى من شكل فراخ كنتاكي، لو تأملتها كويس هتشوف انها منفوخة من فوق شوية ونزلة برجل ضيقة، شبه أرجل الفراخ بالظبط، ولونها برتقالي.
ومع بداية انتشار صور الموضة دي على مواقع التواصل الاجتماعي في عدد كبير جدًا اجمع انها بتفكرهم بفراخ كنتاكي، بالاضافة إلى ان في جزء تاني كبير قال انها ممكن تكون شبه الجزر.
المهم دلوقتي، لسه عندك استعداد انك تقلدي موضة الغرب كلها؟
خدى فكره
