اعملي لاطفالك "لانش بوكس" مُخيف بمناسبة عيد الهالووين

بواسطه روضة إبراهيم الإثنين , 30 أكتوبر 2017 ,3:54 م



عيد الهالووين زي ما احنا عارفين عيد مهم في الدول الاوروبية بيكون يوم 31 اكتوبر، وبتظهر فيه تقاليع غريبة ومُخيفة، وغرضه الظهور باطلالة مرعبة، لكن عندنا في مصر مش بيهتموا اوي به، الا ان في شريحة من الناس في مصر بتحب تحتفل بيه وتظهر بملابس غير عادية، ولازم تعرفي ان الاطفال من الناس اللي عندها فضول دايمًا تكون جزء من اي حدث بتشوفه وتشارك فيه، علشان كده "لهلوبة" هتقدم لكل ام افكار لتزين "اللانش بوكس" في عيد الهالوين.


 
 

- ممكن مثلًا تزيني بوكس الطعام بالأكل الخفيف المُغذي وتزينه باشكال مُرعبة، مثلا تستخدمي عيش التوست وشرايح الجبن وتفرغيها باشكال وشوش مرعبة على العيش.

- ممكن تستخدمي ألوان الطعام وتلوني طعام ابنك بالوان تدل على الرعب، زي الاسود والاحمر، وترسمي به عيون سوده او اشكال الاشباح، او تستخدمي قطع الطماطم الحمرا هتفي بالغرض جدًا.

- ولو بتدي ابنك فاكهة زي التفاح والبرتقال، ممكن ترسمي عنين سودا بالوان الطعام على البرتقالة، وتقطعي التفاح وتوزعيها باشكل مختلفة في البوكس، وتعملي بيها شكل اسنان مدببة مُخيفة.

-  ممكن كمان ترسمي شكل خفاش اسود على الجزر والخيار، بيدي شكل مرعب لطيف على خلفية الخضار الملونة، والاطفال بتحب شكلها جدًا.

ملحوظة:
 تجهيز بوكس الطعام المرعب ممكن ياخد 30 دقيقة بس.

 

موضوعات متعلقة:

طريقة تلوين بيض شم النسيم بالالوان الفلوماستر



قولى رأيك

تابعنا علي فيسبوك