في أكتوبر الوردي.. أعرفي 6 مشاهير عرب حاربوا سرطان الثدي بشراسة

سرطان الثدي مش بيفرق بين حد مشهور أو مغمور، الكل ممكن يتصاب به، وعلشان شهر اكتوبر هو شهر التوعية عن مرض سرطان الثدي، لهلوبة هتقولك على مجموعة من الشخصيات اللي كلنا نعرفهم، بس مش اغلبنا يعرف ان كان ليهم قصص صراع مع المرض ده، في منهم اللي قدر يتغلب عليه، وفي منهم اللي تغلب عليه المرض وفارق الحياة، وهما:

-  فايزة أحمد:

المغنية السورية المعروفة طبعًا بصوتها الجهور، واللي مست قلوبنا بأغانيها وفرحت الكل، ولكن حياتها الشخصية لم تكن بقدر السعادة دي، لانها اتصابت بمرض سرطان الثدي وعانت منه لسنين، وبعدين قررت تسافر لعمل جراحة في الخارج ولكن للاسف العملية فشلت، فاعتزلت بعدها علشان كانت حبه تظهر لجمهورها ديمًا باجمل صورة كانت في ذهنها، وواجهت المرض لغاية ما توفت في 1983.

- شادية:

الفنانة الجميلة شكلًا وروحًا وجمالًا وفنًا، كلنا عارفين طبعًا انها اعتزلت الفن، ولكن قبل اعتزالها ده جالها مرض سرطان الثدي وحاربت معاه شوية وبعدين قررت الاعتزال، وواصلت مواجهتها للمرض لغاية ما قامت بعملية جراحية وفشلت مع الاسف واضطرت لاستصال الثدي وشُفيت، وبعدها قررت تتبرع بمنزلها علشان يكون مركز ابحاث للامراض السرطانية، في محاولة منها انها تساعد غيرها في الشفاء من المرض ده.

- هالة فؤاد:

الفنانة الشابة صاحبة الملامح البريئة، كلنا عارفين انها كانت زوجة الفنان القدير احمد ذكي، وبعد ولادتها لابنها هيثم بفترة انفصلت عنه بسبب مشاكل متعلقة برغبته في اعتزالها الفن وتفرغها لبيتها، وبعدها اتجوزت الخبير السياحي عز الدين بركات، وبعد ولادتها ظهر التعب الشديد، وبعدها اعتزلت ولبست الحجاب، وفي الوقت ده عرفت انها مريضة سرطان ثدي وبدأت رحلة علاجها بين فرنسا ومصر، حتى شفيت من المرض، ولكن بعد فترة قصيرة رجعلها تاني بقوة، وواجهته لغاية ما توفت 1993 عن عمر 34 سنة.

-  مديحة كامل:

المتألقة اللي في عز نجاحها وشهرتها صدمها سرطان الثدي، واجهت المرض وبدأت رحلة علاج في لندن واستئصلت الورم، ولكن للاسف رجعلها تاني بعد ما اعتزلت الفن، وبعدها ارتدت الحجاب وواجهت المرض حتى توفت 1997.

- ناهد شريف:

الفنانة الموهوبة، صاحبة الوجه الانثوي الجميل، عانت مع المرض لحوالي 5 سنين، وقررت رحلة علاجها تكون في الخارج علشان ضمان المتابعة، ولكن للاسف العلاج لم يكن له تأثير وفشل، وغلبها المرض وتوفت 1981.

-  ريم البنا:
المغنية الفلسطينية اللي قالت ان المرض احتل جسمها زي ما احتل الكيان الصهيوني فلسطين، جالها مرض سرطان الثدي وواجهته بشراسة لمدة 6 سنين وشُفيت منه ولكن رجعلها تاني في 2015، وظهرت للناس بدون شعر وهي سعيدة، قائلة: ان العلاج الكيماوي ممكن يكون سلب منها شعرها لكن لم يستطع سلب ضحكتها، ولسه صامدة مع المرض، فهي ديمًا مثال للقوة والصبر والتفاؤل لبنات كتير من جيلها.