ازاى تعمل مكالمات مجانية بعد تقليل قيمة كروت الشحن
بواسطه هند جمال الجمعة , 29 سبتمبر 2017 ,8:54 ص
.png)
بعد ما شركات المحمول خفضت قيمة المكالمات يعنى الكارت ابو 5 جنيه سعره 5 جنيهات ويحصل و هيعطيك رصيد 5ر3 جنيه، 10 جنيه هيحصل المستخدم على رصيد 7 جنيه، والكارت فئة 15 جنيه بينزلك رصيد 5ر10 جنيه و هكذا.
قامت لهلوبة بحثت و جابتلك طرق مجانية لعمل المكالمات الهاتفية:
وي شات
هو تطبيق للمحمول ليه كثير من المميزات. وبيشتغل على أجهزة الاى فون و اى بود تاتش و اي باد و بلاك بيري و أندرويد و ويندوز فون و نوكيا.
و فى حال انك عايزة تعملى مكالمات ارضى او لتليفونات عادية فى الوقت ده ممكن تشترى دقايق.
بالإضافة للمكالمات الهاتفية، وي شات بيرسل الصور والنصوص ومقاطع الفيديو، كمان بيمكنا من إجراء مكالمات الفيديو و دردشات المجموعات او الجروب.
الواتس اب
من المعروف انه مملوك للفيسبوك و ده تطبيق للرسايل النصية فى الاساس و علشان نتمكن من استخدامه لازم نكون متصلين بشبكة الانترنت.
و عن طريقه كمان ممكن نجرى مكالمات هاتفية لأى مكان فى العالم، بيتيح كمان امكانية إرسال مقاطع الفيديو والصور والموقع الجغرافي وجهات الاتصال للمستخدمين.
ممكن نستخدم البرنامج على اي فون، بلاك بيري، نوكيا، ويندوز فون. كمان من خلال جهاز كمبيوتر.
تكست ناو
هو تطبيق للمحمول من خلاله نقدر نتصل و نستقبل مكالمات هاتفية مجانية مع مستخدمين تانيين. بس لو حبيت تكلم خط ارضى او تليفون عادى يبقى لازم تشترى رصيد.
ممكن كمان نرسل رسائل نصية، صور و علشان تنشىء حساب كل اللى محتاجه بريد الكترونى، بيشتغل على الآى باد، آي بود تاتش، اي فون، الروبوت و ويندوز فون، كمان نقدر نستخدمه من خلال جهازال كمبيوتر.
جوجل ديو
هو تطبيق للدردشة الصوتية من جوجل. بيمكنا من إجراء مكالمات صوتية أو فيديو فقط. لكن مش هنقدر نرسل منه رسايل نصية. و لكنه لا يدعم الخطوط الارضية او الهواتف العادية.
كل اللى هتعمله انك تضغط على زر إنفيت (invite) لإجراء مكالمات صوتية ومكالمات فيديو مجانية، ممكن نثبت جوجل ديو من خلال اى تيونز او جوجل بلاي.
بلاك بيري ماسنجر (BBM)
هو تطبيق بيستخدم في المقام الأول لإرسال واستقبال الرسائل النصية. وممكن نستخدمه لإجراء مكالمات هاتفية مجانية لما نكون متصلين بشبكة الانترنت.
بيشتغل على اجهزة الاي فون، آي بود تاتش، آي باد، وأجهزة ويندوز فون. و التطبيق لا يتيح خدمة الاتصال بالخطوط الارضى.
الفايبر
التطبيق ده بيشتغل على جهاز الكمبيوتر و الموبيل كمان و بيمكنا من اجراء مكالمات هاتفية مجانية عن طريق الاتصال.
بيشتغل على انواع كنير من الاجهزة زى الاندرويد، ويندوز فون، نوكيا، وبلاك بيري، و ممكن نرسل من خلاله رسائل نصية و فيديو.
الفيسبوك ماسنجر
تطبيق لخدمة الرسائل من الفيسبوك. نقدر من خلاله نرسل رسائل نصية و مكالمات هاتفية و فيديو مجانية، من جهاز الكمبيوتر او اجهزة المحمول. لا يدعم التليفون الارضى.
سناب شات
نقدر من خلاله إجراء مكالمة هاتفية مجانية من خلال الاتصال بشبكة الإنترنت و كمان ارسال رسائل نصية وصور و فيديو. بيشتغل على أجهزة الآى فون، آي باد، آي بود تاتش. كمان لا يدعم الخطوط الارضية.
سكايب
هي خدمة بتمكنا من اجراء مكالمات هاتفية مجانية عن طريق الاتصال بشبكة الإنترنت، ممكن يتثبت على
أندرويد و بلاك بيري و اى فون و اي باد و إي بود تاتش و كمان من خلال أجهزة الكمبيوتر. علشان نقدر نستخدم التطبيق بيبقى عن طريق عنوان البريد الإلكتروني أو رقم الهاتف. كمان بيدعم البرنامج الفيديو والرسائل النصية.
خدى فكره
