قواعد الموضة في لبس الفورمال .. بلاش أوفر

بواسطه رضوى الشاذلى الجمعة , 8 سبتمبر 2017 ,8:47 ص

قواعد الموضة في لبس الفورمال بلاش أوفر


في أماكن ومناسبات كتير بتحتاج مننا نختار لبس فورمال، وهنا لازم تعرفي ان الطريقة دي في اللبس ليها قواعد خاصة لازم تعرفيها الأول قبل ما تخطأي في حق الموضة وحق نفسك، لو كنتي مش عارفة ولا عندك معلومات عن اللي مفروض تعمليه وانتى بتختاري النوع ده من الملابس، اقرأي السطور اللي جاية:

فساتين السهرة:

في نوع واحد مسموح تلبسيه هنا، هو فستان طويل اسود أنيق، لأن في كتير من الستات بيقعوا في خطأ الاختيار، يعني لو لازم تلبسي فورمال اعرفي ان الفساتين الألوان والقصيرة مش مناسبة خالص في المناسبات الرسمية، كمان خامة القماش المصنوع منه الفستان مهم جدًا ومن أفضل الاقمشة اللي بتعتبر مناسبة هي الشيفون والحرير، ولو فيها تطريز تكون أفضل كتير وأكثر جمال وأناقة.

الاحذية:

خصوصا اللي كعبها عالي بتبقى من أحسن الأحذية اللي ممكن تختاريها لفستانك الطويل، كمان الجلد من ضمن الخامات المناسبة للأحذية لو قررتي تلبسي فورمال صح، أما التصميمات الفلات أو من غير الكعب بتكون مش مناسبة خالص وسيئة.  

الاكسسوارات:

الحلقان من ضمن التفاصيل اللي لازم تركزي عليها ومش من الصح تجاهلها، يعني حتي لو كان شعرك مفرود أو مرفوع الحلقان عنصر مهم جدًا بلاش تستغني عنه، بالإضافة انه كمان ممكن تعتمدى على الحلقان الصغيرة لو كان الفستان مطرز، لكن فكرة انك تتخلى تمامًا عنه مش صح تمامًا وهتظهرك بشكل مش لطيف.



قولى رأيك

تابعنا علي فيسبوك