استغلي أضحية العيد واعملى لشعرك ماسك النخاع

بواسطه نورا جمال الخميس , 24 أغسطس 2017 ,3:38 م

استغلي أضحية العيد واعملى لشعرك ماسك النخاع


كتير مننا بيعاني من سقوط الشعر بشكل كبير وملحوظة وتقليل في كثافته لدرجة ممكن تأثر على الحالة النفسية، وبما اننا داخلين على العيد الكبير، ولازم نفرح، ايه رأيك كمان لو تستغلي الاضحية في انك تعالجيه وتنعميه وتطوليه وتمنعي تساقطه.
الوصفة دي ممكن تكون من ايام الجدات الا ان مفعول سحري ورهيب جدا، ولهلوبة هتقولك ازاي تستغلي النخاع اللي بيحتوي على نسبة كبيرة من الاحماض الدهنية المرطبة، وبتعمل طبقة تحميه من التقصف والجفاف، علشان نوصل لشعر صحي ولامع.

المكونات:

نخاع - زيت طبيعي "زيتون / جوز هند / لوز / جرجير".


الطريقة:

1- استخرجي النخاع من الدبيحة.

2- ضعيه فى حلة على نار هادية مع شوية ميه

3- حضري شاش قطن وصفي الخليط فيها علشان تتخلصي من اي شوائب.

4- اخلطي النخاع بالنوع المفضل ليكي من الزيوت الطبيعية.

5- ضيفي الخليط فى برطمان محكم الغلق، واحتفظي به في التلاجة.

6- استخدميه لعمل حمام زيت لشعرك مرتين كل اسبوع لمدة 3 شهور.

8- لو كنتى عاوزة نتيجة أسرع استخدمي الماسك على شعرك طول الليل واغسليه الصبح.

اقرئى ايضا
روتين العروسة.. ماسكات طبيعية لبشرتك تستعدي بها قبل الفرح



قولى رأيك

تابعنا علي فيسبوك