اوعي ترمي ستارة الحمام وحوليها لكيس مخدة

بواسطه شيرين مصطفى السبت , 16 سبتمبر 2017 ,8:37 ص



أكياس المخدات بتحفظها وبتحميها من العوامل الخارجية اللي ممكن تأثر عليها زي العرق والاتربة وسرعة الاتساخ، ومع ارتفاع الاسعار لهلوبة بتحاول توفرلك فلوسك وتساعدك تستغلي الحاجات القديمة الموجودة في بيتك وتعملي منها اشياء جديدة، علشان كده جابتلك فيديو بيعرض طريقة عملها من ستارة الحمام القديمة بدل ما ترميها وتدفعي فلوس في شراء اكياس جديدة.
 
الادوات:
ستارة حمام - إبرة - خيط - دبابيس الخياطة - مخدة.

الطريقة:
1- قيسي ابعاد المخدة كويس.
2- طبقي الستارة نصين وقصيها على مقاس المخدة، هيتكون عندك قطعتين قماش اللي هما وش وضهر الكيس.
3- اتني ضهر القماش اللي قصتيه تنيتن وامشي عليه بالمكواة.
4- ابدأي خيطي الجزء المتني بالإبرة والخيط.
5- كرري نفس الخطوة في قطعة القماش التانية.
6- قصي قطعة قماش تالتة نفس مقاس المخدة.
6- المفروض يكون عندك 3 قطع الاتنين اللي تنتيهم وخيطتيهم، ضعيهم فوق القطعة التالتة، وابدأي ثبتيهم بدبابيس الخياطة.
7- اخلعي الدبابيس وابدأي خيطي الحواف وبعد ما تنتهي قصي الاطراف.
8- اقلبي كيس المخدة، بحيث يكون معدول.
9- ممكن تخيطي زرارين في الجزء السفلي، وشريطتين في الجزء العلوي من الكيس، علشان تقفليه لما تدخلي المخده فيه.



قولى رأيك

تابعنا علي فيسبوك