8 افكار لتنظيم مطبخك في العيد

بواسطه شيرين مصطفى الاحد , 20 أغسطس 2017 ,10:33 ص



مع اقتراب عيد الاضحى بتبدأ الامهات في تنضيف البيت وترتيبه والتخلص من اي فوضى موجودة فيه، علشان بعدها تحتفل بالعيد وتستعد لاستقبال الضيوف، ولهلوبة جابتلك فيديو بيعرض 8 افكار علشان مطبخك يكون متروق وخالي من اي كراكيب ممكن تزعجك وانتي بتطبخي الفتة واكل العيد المميز.


1- لتنظيم المنظفات تقدري تعلقيها في الدولاب الموجود تحت حوض الطبخ.
2- لتثبيت اكياس القمامة في السلة المخصصة لها، تقدري تثبتيها في اداة تعليق الاشياء على الحيطة.
3- علشان تنظمي المعلبات داخل التلاجة ممكن تضعي طبقين فوق بعض مع وضع كرات بينهم للسماح للطبق العلوي بالدوران.
4- تقدري تنظمي الازايز داخل كرتونة البيض الفارغة.
5- جمعي الاكياس البلاستيك مع بعض في علبة صغيرة، ولما تحتاجي واحد اسحبيه زي المنديل.
6- ضعي اشياء المطبخ مع بعض في قطع ترتيب الاوراق.
7- استخدمي شماعة الملابس في تعليق المناديل الورقية بمطبخك.
8- استخدمي قطع تعليق الاشياء لتثبيت غطيان الحلل على أبواب دواليب المطبخ.



قولى رأيك

تابعنا علي فيسبوك