شريف دسوقي يعلن عن موعد خروجه من المستشفى في أول تعليق له بعد بتر قدمه ويكشف عن مفاجأة!

بواسطه روضة إبراهيم الثلاثاء , 8 يونيو 2021 ,12:44 م

شريف دسوقي يعلن عن موعد خروجه من المستشفى في أول تعليق له بعد بتر قدمه ويكشف عن مفاجأة


أعلن الفنان شريف دسوقي عن موعد خروجه من المستشفى، وذلك بعد إجرائه عملية بتر قدمه، بسبب إصابته بجرح، وتفاقم الأمر نتيجة إصابته بمرض السكر، لتتدهور حالته وتصل إلى بتر قدمه.

وقد كشف الفنان شريف دسوقي عن موعد خروجه من المستشفى، وذلك في أول تعليق له بعد إجرائه العملية الجراحية، من خلال مداخلة هاتفية مع الإعلامي عمرو أديب في برنامج "الحكاية" الذي يقدمه على قناة MBC مصر، وقال: "قدامي بالظبط مش أكتر من 25 يوم".

وأوضح دسوقي مفاجأة جديدة، حول عودته إلى العمل فور خروجه من المستشفى، قائلًا: "أنا شغال بروفات حاليًا، بحضر شغلي دلوقت، وبيبعتولي الورق بدل ما أنا قاعد في المستشفى عندي وقت كتير".

شاهد الظهور الاول للفنان شريف دسوقي بعد بتر قدمه

وشكر شريف كل من اهتموا بحالته الصحية، قائلًا: "أنا مش عارف أشكر السيد الرئيس عبد الفتاح السيسي، ولا السادة الوزراء اللي وقفوا معايا، ولا دكتور أشرف زكي، لكن عايز أشكر حد بشكل كبير جدًا وهو استاذ أحمد الجنايني، اللي شالني فعلًا، كنت بصور معاه الفيلم ومش قايله إني تعبان، مسابنيش لحظة، اتنقل من مستشفى لمستشفى ورا مني، وكمان الشركة المتحدة مسابتنيش ولا لحظة، من ساعة ما عملت مع حضرتك المكالمة وهما متولين كل شيء، الحمد لله أشهد إن عندنا طب عالمي".

ووجه شريف رسالة إلى الشباب حتى لا ييأسوا، قائلًا: "كل اللي عايز أقوله لكل شبابنا مفيش حاجة اسمها خلاص خلصت كده، وأيأس وأقعد في البيت وأطول دقني، وأقول خلاص راحت عليَّ، أنا مكمل وولادي في الوسط عارفين كويس إرادة شريف يعني إيه.. فعلا الجملة اللي إتقالت في أحد المسلسلات "معندناش حداد"، إحنا مابنحزنش على حاجة، إحنا شعب مصري كل العالم بيقتدي بيه".

وكانت الفنانة بدرية طلبة قد كشفت عن عملية بتر ساق الفنان شريف دسوقي، من خلال منشور لها عبر حسابها الشخصي على "فيس بوك"، قالت فيه: "عن تجربة عيشتها مع بابا الله يرحمه صعب قوي بني أدم يفوء من البنج يلاقي جزء من جسمه مبتور وخصوصا رجليه ربنا يصبرك ياشريف ويقوي قلبك ويتم شفاك علي خير".

وبعدها خرجت لتطمئن جمهور شريف دسوقي، بمنشور آخر، قالت فيه: "للناس اللى بتتصل وبتبعت رسايل علشان تطمن علي الفنان شريف دسوقى (سبعبع) كان فيه جرح فى رجله الشمال وهو مريض سكر حالته ساءت جدا وبعد الفحوصات والاشعه والتحاليل قرر الدكتور بتر الرجل من تحت الركبة وهو خرج من أوضة العمليات وحالته مستقرة الحمدلله أدعوله ربنا يتم شفاه علي خير".

 

موضوعات متعلقة:

بدرية طلبة تكشف تفاصيل تعرض لأول مرة عن شريف دسوقي قبل بتر قدمه

شريف دسوقي يكشف عن موعد اعتزاله الفن نهائيًا بدون رجعة!

شريف دسوقي يكشف عن مفاجأة مكالمة عمرو دياب له ماذا قال؟

كاملة أبو ذكري تتحدث عن الحسد في حياة شريف دسوقي الذي تسبب في بتر قدمه ما الحكاية؟



قولى رأيك

تابعنا علي فيسبوك