3 حاجات لازم تعمليهم لو الجنين في وضع غلط قبل الولادة

بواسطه رضوى الشاذلى الجمعة , 18 أغسطس 2017 ,8:08 ص

3 حاجات لازم تعمليهم لو الجنين في وضع غلط قبل الولادة


فى الاسابيع الأخيرة قبل الولادة، لازم تكون راس الجنين في منطقة الحوض، علشان الولادة تكون طبيعية، وهو ده بيكون الوضع العادي ليه حتى لو كان قرار الام انها تولد قيصري، وفي حالة انك حاسة انه مش في وضعه الاساسي، لهلوبة هتقولك على 3 نصايح علشان تجربيهم، وهم: 

 

1- الضغط على البطن:

فيه تجربة كتير من الاطباء بيلجأوا ليها، وهي الضغط على البطن بشكل دائري، وده بيساعد على اتساع الرحم وبالتالي بيسمح للجنين بالحركة في اتجاه عنق الرحم علشان يتحول وضع الجنين، لكن الاطباء بيحذروا من الطريقة دي وبيأكدوا انها لازم تتم تحت اشراف طبيب لأن ممكن يكون ليها مضاعفات.

 

2- الحركة:

وخصوصًا المشي في الأشهر الأخيرة للحمل في غاية الاهمية، لأنهم بيساعدوا في تخفيف الأربطة على عنق الرحم، وبالتالي ده بيسمح للجنين بحركة أفضل وأسرع، وده بيسهل عليه تعديل وضعه لوضع الولادة، وهو ننزول الرأس إلى عنق الرحم.

 

3-التمارين الرياضية:

فيه تمارين ممكن تسهل المهمة وتساعدك في تغيير وضع جنينك فى الرحم، زي انك تفتحي رجلك وتقعدي في الهوا نص قاعدة كأنك قاعدة على كرسي، وتبدأي تنزلي وتطلعي بنفس الطريقة 10 مرات أو اكتر وده بيساعد في فتح الرحم وتغيير وضعيه الطفل. 



قولى رأيك