لو عندك تكييف.. اعرفي ازاي توفري في الكهربا

بواسطه رضوى الشاذلى الثلاثاء , 3 أكتوبر 2017 ,9:06 ص

لو عندك تكييف اعرفي ازاي توفري في الكهربا


ارتفاع درجات الحرارة سبب كافى ان التكييف يكون شغال ليل ونهار، لكن ده له جانب سيء وهو انه بيزود فاتورة الكهرباء بشكل كبير، وده ممكن يسبب مشكلة مادية لكتير من الأسر خصوصًا بعد زيادة الاسعار، وعلشان كده لهلوبة هتقولك على شوية نصايح تساعدك في توفير فلوسك في الصيف.

 

1- اقفلي الابواب والشبابيك:

لازم وانتى مشغلة التكييف تقفليهم، لان ده بيعمل تسريب للبرودة، وبالتالي بتحتاجي تشغليه لفترة اطول علشان تحسي بنتيجة، لكن، لو قفلتى المكان اللي مشغلاه فيه، زى الاوضة مثلا، او المكتب، المفترض ان وقت استعماله يقل خالص، وبالتالى تقللي عدد الساعات اللي بيشتغل فيها.

 

2- اقفلى الستاير:

على الرغم من ان كتير منا ممكن يعتقد ان قفل الابواب والشبابيك كافي علشان نحس بالبرودة اسرع، لكن كمان فى اوقات الضهر لازم تتاكدى ان الشمس مش واصلة للحيطان من خلال الشباك وتتأكدي ان الستارة مقفولة، وبالتالي درجة الحرارة في الاوضة تكون أقل وكده وقت تشغيل التكييف يكون أقل.

 

3- شغلي المروحة:

مش لازم التكييف يشتغل طول اليوم، ممكن تستخدمى المروحة في الأوقات اللي الرطوبة فيها اقل يعني ساعات الصبح الأولى، او الساعات المتأخرة من الليل، لان درجة الحرارة في الوقت ده اقل بكتير وده بيوفر عليكي كهرباء. 



قولى رأيك

تابعنا علي فيسبوك