لو انتي كسولة.. لهلوبة هتقولك ازاي تهتمي بنفسك من غير تعب

بواسطه شيرين مصطفى الجمعة , 8 سبتمبر 2017 ,8:55 ص

لو انتي كسولة لهلوبة هتقولك ازاي تهتمي بنفسك من غير تعب


فيه بنات كتير بيفضلوا يقنعوا نفسهم كل يوم انهم هيهتموا بشكلهم، وتاني يوم بنلاقيهم تراجعوا عن قرارهم، خصوصًا لو كان الكسل من صفاتهم، بس لهلوبة هتفضل وراكي وجابتلك طرق الاهتمام بالشكل من غير اي مجهود وهي

1- لو مكسلة تشتري جل الحواجب، هاتي فرشاة اسنان نضيفة ورشي عليها مثبت شعر ومشيها على حواجبك، هيفضلوا مظبوطين معاكي طول اليوم. 

2- عايزة تعملي شعرك كيرلي ومكسلة، بعد ما تغسليه قسميه لخصل ولفي قلم على كل خصلة، ونامي بيهم وفكيهم تاني يوم الصبح، وممكن تعمليه 3 ضفاير احجامهم مختلفة من بالليل وتنامي بيهم وتصحي الصبح تفكيهم. 

3- استخدمي منتجات 2X 1 لشعرك "شامبو وبلسم"، ولبشرتك "غسول ومقشر". 

4- لو اشتريتي كريم اساس غامق ومكسلة ترجعيه، اخلطيه مع كريم مرطب، او الهايلايتر او الكونسيلر، علشان تحصلي على درجة مناسبة لبشرتك. 

5- لما بشرتك تكون مجهدة ومكسلة تضعي عليها مكياج، ممكن تضعي كريمBB  ودرجة روج حلوة مناسبة للمكان اللي هتروحيه.

6- رشي مثبت الشعر على البنس، قبل ما تضعيهم على شعرك علشان يثبتوا، لو بتكسلي تركبيهم كل شوية.

7- لو الآيلينر نشف منك، دخلي الفرشاة في الماسكارا وارسمي بيها عينيك، او ممكن تستخدمي الكحل بدالها.



قولى رأيك

تابعنا علي فيسبوك