اعراض التهاب المرارة اعرفيها واتجنبيها

بواسطه علياء المحمدى الأربعاء , 11 أكتوبر 2017 ,10:04 ص

اعراض التهاب المرارة اعرفيها واتجنبيها


المرارة بتتواجد تحت الكبد بالظبط، ووظيفتها هضم الدهون الداخلة للجسم، ولو حصل تعب فيها، بيترتب عليه حصول مشاكل كتير في الجهاز الهضمي، واللي ممكن يأثر على صحتك بشكل عام. 

والأمراض اللي ممكن تصيب المرارة كتير منها الالتهاب، او تكوين حصوات، او انسداد القناة المرارية وغيرهم، لكن اكترهم انتشار هو الاول، لأنه بيحصل بسبب التقدم في السن او الولادة او السمنة او مرض السكر، واعراضه هي:

- الألم في الجانب اليمين:

ألم في الجانب اليمين، ممكن يوصل للكتف والضهر، وفي الغالب الاحساس به، بيبقى بعد الأكل خصوصًا الدسم وبيبدأ من عند البطن ويمتد حسب شدة الالتهاب.

- الرغبة في القيء:

نتيجة عدم قدرة المرارة الملتهبة على هضم الدهون في الاكل بيبقى المريض عنده رغبة دايمة في القيء وفقدان الشهية.

- السخونة:

مريض التهاب المرارة دايما بتبقى حرارته فوق الـ 37.5 درجة وده نتيجة سوء الهضم اللي بيحصل.

- احساس بالضيق :

وبالارهاق العام، وان الشخص مريض ومش عارفة ايه تحديدًا اللي بيوجعه او اللي مصاب فيه ده من اعراض التهاب المرارة.

 

العلاج: 

تغيير النظام الغذائي اللي بيتبعه المريض وتحويل أكله لأكل صحي أكتر من قبل الاصابة. 

وفي علاجات زي النعناع وخل التفاح ممكن يعتمد عليها، لكن الأهم استشارة الطبيب قبل ما ياخدهم من نفسه.

كمان القهوة والتمرينات الرياضية بتحمي من خطر حصوات المرارة أو التهابها. 

 

موضوعات متعلقة:

اعراض التهاب المثانة عند السيدات



قولى رأيك

تابعنا علي فيسبوك