3 نصايح لأقدام مثالية

بواسطه علياء المحمدى السبت , 19 أغسطس 2017 ,7:48 ص

3 نصايح لأقدام مثالية


الصيف دخل والصنادل والاحذية المفتوحة تتصدر المشهد، علشان كده لازم كل بنت تهتم بشكل قدمها وصحتها، لهلوبة بتقولك الموضوع بسيط جدا كل اللي محتاجة ليه هما 3 نصايح تلتزمي بيهم وتبقى قدمك مثالية وصحية.

اختاري صح:

وقت ما تشتري حذاء اختاري صح، مش مجرد حاجة شكلها حلو او سعرها مناسب، اختاري حاجة مريحة وتهويتها كويسة خصوصا لأن العرق مع التراب لو دخل للقدم بيعملوا فطريات وريحة سيئة، اختاري كمان حذاء كعبه مناسب بحيث يبعد عن الارض نسبيا من غير ما يكون متعب ليكي.

اهتمي بالترطيب:

اوعي تهملي دور ترطيب الجلد في القدم ابدًا خصوصا، لأن عليها ضغط كبير، لازم تدهنيها بالكريمات والمرطبات على طول علشان تتجنبي التشققات والجفاف المؤلمين وشكلهم مكروه.

- حافظي على النظافة:

حتى لو قدمك مفيش عليها تراب لازم تغسليها وتنضفيها لان ممكن تكون عرقت من غير ما تحسي، اشطفي قدمك بالمية الدافية واهتمي تضيفي ليها مطهر علشان لو في اي بكتيريا او فطريات تموت، ولو عايزة تتجنبي اي ريحة للقدم ضيفي نقط خل للمية او ملح، واهتمي بتنشيف القدم كويس بعد غسلها.  



قولى رأيك

تابعنا علي فيسبوك