6 نصايح تريحك وانتي بترضعي

بواسطه شيرين مصطفى الاحد , 30 يوليو 2017 ,4:10 م

6 نصايح تريحك وانتي بترضعي


كتير من الأمهات اللي بيرضعوا طبيعي بيلاقوا صعوبة خصوصًا في الأيام الأولى بعد الولادة، لكن ده يعتبر أمر عادى لان الرضاعة بتحتاج وقت وصبر، لهلوبة هتقولك نصايح تسهل عليكي الأمر وتحسسك بالراحة:

 

1- اختاري مكان مريح، يفضل إنك تقعدي ويكون ضهرك مستقيم ومفرود بشكل جيد، لإن الرضعة الواحدة ممكن تستمر لمدة 30 دقيقة، بلاش تبدأى إلا لما تتأكدي إنك مرتاحة في القعدة.

 

2- حاولي تشربي سوايل كتير، لان هرمون الأوكسيتوكن اللي بيتم افرازه جوه الجسم خلال عميلة الرضاعة، بيدي احساس بالعطش.

 

3- لو كنتي بتتوتري من الصوت العالي والدوشة، اقعدي في مكان هادي وانت بترضعي، علشان حالتك النفسية السيئة بتنعكس على رضيعك.

 

4- البسي حمالة صدر مخصصة للرضاعة، لانها هتقلل من الاحساس بالألم والتقل اللي ممكن تحسي بيه وقتها .

 

5- لو حسيتي بوخز في صدرك وقت الرضاعه اطمنى ده مؤشر إيجابي على تدفق اللبن.

 

6- اقعدي في وضعية تحسسك بالاسترخاء انتي وطفلك، وممكن تستعيني بمخدات الرضاعة اللي عادة بتكون على شكل حرف U، لانها بتقلل من الضغط عليكي وبترفع طفلك بالتالي تتجنبي آلام الضهر والدراعين والرقبة، كمان تساعد طفلك انه يمسك في حلمة الثدي كويس لانها بتقربها منه.

 

مواضيع متعلقة:

تسنين الاطفال واعراضه وكيفية التعامل معه



قولى رأيك