عجبك اللوك الايرلندي لمنة شلبي.. تعالي اعلمهولك

بواسطه علياء المحمدى الخميس , 22 يونيو 2017 ,2:30 م



لو عجبك لوك منة شلبي في "واحة الغروب" اللي طالعة فيه بشخصية بنت ايرلندية شعرها احمر وعينيها خضرا، لهلوبة جيبالك الطريقة اللي تعمليه بيها ببساطة وسهولة.

كتير من البنات الأيرلنديات شعرهم باللون الأحمر المايل للبرتقالي، وبشرتهم فيها نمش وعينيهم ملونة، وتقدري تعملي اللوك ده بأدوات بسيطة، خصوصا ان في كتير من ممثلات هوليوود جربوه، مش بس منة شلبي.

الشعر:

- علشان توصلي للدرجة دي من الشعر الأحمر، لازم تسخدمي صبغة حمرا بدون أي لون ازرق أو بنفسجي، كده النتيجة تطلع أحمر نحاسي شكله طبيعي مش مصطنع.

- لازم كمان تستخدمي شامبو مخصوص للصبغة الحمرا علشان يحافظ على درجة اللون مع الغسيل.

- زوري الكوافير كل 3 أو 4 اسابيع، علشان تحافظي على اللون لأطول فترة ممكنة، بحيث يظبطلك أي تغيير في اللون، لأن للاسف الدرجة دي من الأحمر بتروح أسرع من غيرها.

المكياج:

ألوان المكياج المناسب مع الشعر ده هي درجات الأحمر والوردي علشان يبرزوا اللون، واستخدمي في الكونتور وكريم الاساس وغيرهم الدرجات اللي تفتح بشرتك علشان تليق على لون الشعر النحاسي لانه مش مناسب للبشرة السمرا.

العيون:

العدسات الخضرا أو الزرقا سهل تستخدميها مع الشعر النحاسي، لكن ممكن تبرزي عيونك العسلية والبنية مع نفس لون الشعر بمكياج باللون البني أو الازرق والأخضر وليه نفس مفعول العدسات وأحسن. 


قولى رأيك

تابعنا علي فيسبوك