معندكيش حلويات.. اعمليها من العيش
بواسطه علياء المحمدى الأربعاء , 22 مايو 2019 ,9:36 ص
.png)
بعد فطار رمضان الحلويات بتبقى وجبة أساسية في كل بيت، الكنافة والقطايف وغيرهم من حلويات شرقية لازم تبقى موجودة، طب لو ملقيتيش كنافة ولا قطايف؟.
لهلوبة بتقولك اعملي من العيش حلويات، بوصفة هندية على قد ايدك وكمان هتجدد سفرتك.
المكونات:
6 شرايح عيش توست - ½ كوب سكر - 2 كوب حليب - ½ ملعقة سمنة - كبشة مكسرات "سوداني / لوز" - كبشة زبيب - ½ ملعقة حبهان مطحون.
الطريقة:
- قطعي التوست لقطع صغيرة بعد ما نشيل الحواف بتاعته.
- سخني السمنة وحمصي المكسرات فيها لحد ما لونها يبقى دهبي وبعدين ضيفي الزبيب.
- شيلي المكسرات وحمصي مكانها قطع العيش لحد ما تاخد اللون الدهبي أو البني.
- ضيفي الحليب واخلطيه بالعيش كويس لحد ما العيش يدوب والخليط يبقى سميك.
- ضيفي السكر وسيبهم يتسبكوا مع بعض.
- ضيفي في الآخر معلقة سمنة ونخلطهم كويس، بعدها نصبها في طبق ونزين بالمكسرات وبودرة الحبهان ونخلطهم ونقدمه.
خدى فكره
