اعرفي السر اللي خلى طفلة 3 سنين نجمة فيسبوك

بواسطه علياء المحمدى الاحد , 28 مايو 2017 ,2:18 م

انتشرت من فترة على "فيسبوك" مجموعة من الصور لطفلة بعمر 3 سنين، خطفت عيون وقلوب ناس كتير جدًا بسبب جمال البنت وابتسامتها، والصور المنتشرة كانت كلها للبنت بملابس طفولية رقيقة وشيك، وفى أول جلسات التصوير ظهرت البنت باطلالات ممثلات هوليوود وشخصيات نسوية لها تأثير قوي.

أما اللي دفع والدة البنت انها تعمل جلسات التصوير دي في البداية فكان سبب مختلف تماما، وهو مرض جدتها اللي اكتشفوا ان عندها سرطان في الثدي، ولارتباط البنت بجدتها جدًا، خافت الأم على البنت من التركيز في مرض جدتها وحبت تعمل حاجة تشغلها بيها، فجت فكرة جلسات التصوير.

وقالت الأم، انها اختارت ممثلات معينين من هوليوود أو شخصيات بعينها علشان تعلم بنتها إن الستات قوية، وأقوى حتى من المرض ويقدروا يحققوا كل أهدافهم.

المفرح في الموضوع ان مش بس البنت اشتهرت وبقت صورها معروفة على "فيسبوك"، لكن كمان جدتها اتعافت من المرض ودخلت معاها في جلسة تصوير جميلة ومبهجة وبتدي أمل.