اعملي ديكور بسيط من البلالين

بواسطه علياء المحمدى الإثنين , 29 مايو 2017 ,10:45 ص



البالونات من أرخص اللعب اللى ممكن نشتريها للاطفال، وممكن تعملي بيها كمان ديكور في البيت مش بس لما تنفخيهم وتعلقيهم، لكن كمان ممكن تستخدميهم وبعدين تطلعي منتج جديد البالونات مش جزء منه.

الفيديو ده هيوريكي إزاي ممكن تعملي طبق غويط للتسالي والمكسرات أو للخيوط وكل اللي هتحتاجيه،  بالونة، شوية زراير قديمة وصمغ يلزقهم في بعض.

أو ممكن تعملي للكاسات قاعدة ملونة وتحميهم من الكسر كمان، لو قصيتي رقبة البالونة ولبستيها للكاس، أو اعملي منهم وحدات إضاءة لما تلزقي عليهم خيوط ملونة وتثبتيهم بالصمغ كويس علشان ينشفوا وبعدين فرقعي البالونات واستخدمي الاطار اللي اتعمل من الخيط.

وفي لمسة جديدة وجميلة، اعملي تلج جواه وردة جميلة بانك تدخلي الوردة جوة بالونة واملي البالونة ميه، وسيبيها تجمد، بعدها قصيها وطلعي كور التلج والوردة جواها. 



قولى رأيك

تابعنا علي فيسبوك