اعرفي المطبخ العربي بيحلي بإيه

بواسطه علياء المحمدى السبت , 23 سبتمبر 2017 ,9:13 ص

اعرفي المطبخ العربي بيحلي بإيه


المطبخ الشرقي بيحب الحلويات، علشان كدة فرصة الابداع فيها بتكون اكتر من اي حاجة تانية، وكل دولة بتنوع فيها علشان كده لهلوبة هتقولك اكتر الانواع المميزة، واللي هي :

-  أم علي:

حلويات مصرية مشهورة بتتعمل من الحليب والرقاق والزبيب والقشطة وبتتاكل باردة أو سخنة.

البسبوسة:

 مشهورة في مصر وسوريا وتركيا وبتتعمل من دقيق السيمولينا وتتسقي بالشربات وتتزين بالمكسرات.

-  الكنافة:

 معروفة في الشام كله ومصر وحتى الخليج وتركيا، وانتشرت من ايام الحكم العثماني، وبتتعمل بالمكسرات او القشطة أو الجبنة الحلوة ودلوقتي بتتعمل بالمانجو والنوتيلا.

البقلاوة:

معروفة في البانيا وبلغاريا واليونان وارمينيا وازربيجان وقبرص وجورجيا، وطبعًا انتشرت في الوطن العربي، وهي عبارة عن رقائق بتتحشي مكسرات أو كريمة وبتتسقي بالعسل.

- عيش السرايا:

أصلا حلويات لبناني بتتعمل من العيش المحلى بالشربات وبيتغطى بالقشطة والمكسرات.

- بلح الشام ولقمة القاضي وصوابع زينب:

التلاتة مرتبطين ببعض وهم حلويات شرقية مشهورة جدا في مصر والشام وبتتعمل من عجينة خفيفة تتقلي في زيت غزير وتتحلى بالعسل.

القطايف:

من اشهر الحلويات اللي بتتعمل في رمضان، بالمكسرات والقشطة وحتى لو اتعملت حادقة بتكون مميزة، وبتتعمل من عجينة بسيطة جدا تتحشي وتتقلي في الزيت وتتحلى بالشربات.

حلويات الجبن:

من المطبخ اللبناني وبتتعمل من عجينة محشية بالجبنة الحلوة والكاستر والقشطة وبتتسقي بميه الورد وتتزين بالمكسرات.


ليالي لبنان:

حلوى لبناني بتتعمل من السيمولينا وبيتضاف ليها مذاق البرتقال والورد والفانيليا وتتسقي بالشربات الخفيف وتتغطى بالكريمة والمكسرات. 



قولى رأيك

تابعنا علي فيسبوك