علامات تنبه بنقص عناصر مهمة للجسم

بواسطه علياء المحمدى الثلاثاء , 9 مايو 2023 ,11:50 ص

نقص عناصر مهمة للجسم


علامات تنبه بنقص عناصر مهمة للجسم، الجسم البشري عبقري في علاماته وتنبيهاته، دايمًا بينتبه لأي خلل او خطر ممكن يهدده بعلامات واضحة وانذارات مباشرة، تعرفي مع لهلوبة على علامات في الجسم تعتبر بمثابة انذار بخطر قادم.

- #البشرة الباهتة:

لون البشرة الابيض الزايد عن اللازم مش جمال، ده معناه ان في نقص فيتامين ب 12 اللي من غيره الجسم بيحس بالاعياء والتعب وعلشان نعوض الفيتامين ده ناكل مأكولات بحرية كتير.

- #الشعر الجاف:

او المقصف اللي فيه قشرة ده علامة على نقص البايوتين او فيتامين "ب 7 " وده بيبقى نتيجة استخدام مضادات حيوية كتير في الغالب، وعلشان نعوض الفيتامين ده ناكل لحوم واسماك وخضار ومشروم والبعد عن النظام الغذائي لفترة.

- العين المنفوخة:

ساعات بنلاقي ناس تحت عينهم منفوخ كأنهم مش بيناموا كويس، الحقيقة ان دي علامة على نقص الايودين وفي الغالب ممكن يبقى في تورم في الاطراف كمان والعلاج للحاجات دي هو الملح الموجود في المأكولات البحرية زي الاستاكوزا والجمبري وغيره وايضًا منتجات الالبان والعيش.

- الشفايف الباهتة:

الطبيعي إن يبقى لونها وردي، لكن لو كانت باهتة اكتر من اللازم انتبهي لان دي اشارة ان الجسم فيه انيميا ونقص حديد وده علاجه اكل لحوم حمرا اكتر والاستغناء عن الاكلات اللي الكالسيوم بتاعها عالي لفترة.

- نزيف اللثة:

مع غسيل #الاسنان لو اللثة نزفت ده بيحذرك ان في نقص فيتامين وده ممكن يؤدي لضعف في المناعة وألم في العضلات ومشاكل في الاسنان، لازم وقتها ناكل فواكة غنية بفيتامين سي.

 

موضوعات متعلقة:

الجرعات الزائدة من الحديد تهدد الصحة وتؤدي للوفاة

 


قولى رأيك

تابعنا علي فيسبوك