رحلتك في الحمل: الأسبوع الرابع

بواسطه رضوى الشاذلى الأربعاء , 19 يوليو 2017 ,11:24 ص

رحلتك في الحمل الأسبوع الرابع


ووصلت معاكي لهلوبة للاسبوع الرابع من الحمل.

الاعراض:

جسمك بينتج هرمون الحمل واللي ممكن يؤدي لـ القلق والترجيع والغثيان، والدوخة والارهاق والمزاج المتقلب، كمان شكل الصدر بيتغير جدًا في الفترة دي، وهتحسي في التهاب أو ألم، وفي ستات بيزيد عندها حاسة الشم، ويخليها تضايق من الريحة مهما كانت حلوة أو وحشة.

تطور الجنين:

طفلك في الفترة دي بيتطور بشكل أسرع، انتهت عملية التخصيب والزرع، وبدأ دلوقتي فى مرحلة التطور، هنا ممكن نقول عليه جنين، وبيتكون فى الأسبوع ده من طبقتين، " إبيبلاست" و"هايبوبلاست"، أو ممكن نقول عليهم كيس أمنيون وكيس المحي، الأول مسئول عن ملئ السائل المحيط بالجنين وبيحميه خلال أسابيع الحمل وحتى الولادة، أما الكيس التاني هو المسئول عن انتاج الدم المساعد على تغذية الجنين في المرحلة الأولى، لحد ما تبدأ المشيمة في التكوين وهي عبارة عن شبكة من الأوعية الدموية، المساعدة على نقل الدم والأكسجين والمواد الغذائية من الأم للجنين عن طريق الحبل السرى.

يبلغ طول طفلك 4،4 مم – تقريبًا قد حجم بذر التفاح.

نصايح:

مهم توقفي كل العادات السيئة خلال الفترة دي، تبعدي عن الكحوليات والأدوية اللي ممكن تأثر على الجنين.

جسمك في الفترة دي بيحتاج لمزيد من الراحة، والاسترخاء.



موضوعات متعلقة

اعراض الحمل اول اسبوع

ما هي اعراض الحمل فى الاسبوع الاول

ما هى اعراض الحمل فى الاسبوع الثانى

ما هى اعراض الحمل فى الاسبوع الثالث

ماهى اعراض الحمل فى الاسبوع الرابع



قولى رأيك

تابعنا علي فيسبوك