أسئلة لازم تجاوبي عليها قبل ما تاخدي قرار الجواز

بواسطه شيرين مصطفى الإثنين , 10 يونيو 2019 ,9:39 ص

أسئلة لازم تجاوبي عليها قبل ما تاخدي قرار الجواز


أسئلة لازم تجاوبي عليها قبل ما تاخدي قرار الجواز، قرار الجواز عمره ما كان سهل، وضروري جدًا كل بنت تركز وهي بتختار شريك حياتها، اللي هتعيش معاه سنين كتير.

وعلشان تعرفي تختاري صح، فيه 4 أسئلة لازم تعرفي إجابتها لو كنتي ناوية تاخدي قرار الجواز، علشان تعرفي منها أنتي هترتبطي بالشخص المناسب ولا لأ، والأسئلة دي هي:

 

1-  مين اللي هيكون مسئول عن المهام اليومية:

تقسيم الأعمال بين الزوج والزوجة أمر مهم وضروري، وبيقلل نسبة الخلافات بين الزوجين، ففيه علاقات كتير انتهت بالطلاق، بسبب تحامل طرف على التاني.

 

2- مين هيصرف على البيت:

لو كنتي بتشتغلي لازم تحددي من البداية دور كل واحد فيكم في مصاريف البيت، لإن فيه بعض الأزواج بيشوفوا إن طالما الست بتشتغل يبقى تشاركه في مصاريف البيت، ده أمر لازم تحدديه وفق رغبتك متسبيهوش لحد لما تظهر الأمور في الآخر.

 

3- الأطفال:

فيه كتير من السيدات بيبقوا عايزين يأجلوا خطوة الخلفة لمدة سنة أو أكتر، لازم تتكلمي مع جوزك، وتتفقوا من الأول على اللي عايزينه يحصل؛ علشان متفتحيش باب للخلافات.

 

4- وضعك في الشغل بعد الجواز:

في السنين الأخيرة نظرة الرجالة ناحية عمل المرأة اتغيرت بشكل عام، لكن فيه مضايقات ممكن تتعرضي ليها، وتلاقي جوزك رافض شغلك، علشان كده لازم تعرفي موقف جوزك من شغلك سواء كان بالسلب أو الإيجاب.



قولى رأيك

تابعنا علي فيسبوك