حاربي سرطان الرئة بالخضروات والفاكهة

بواسطه علياء المحمدى الإثنين , 8 مايو 2023 ,11:37 ص

حاربي سرطان الرئة بالخضروات والفاكهة


الاقلاع عن التدخين مش الحل الوحيد للوقاية من سرطان الرئة، لانها طول الوقت بيدخلها ملوثات من العوادم والرواسب اللي في الهوا، وعلشان نحمي الرئة من اي مرض او خطر لهلوبة جيبالك مجموعة نصايح بتعمل على تقوية الرئة وتعتبر مضادة للسرطانات.

 
- الباباي:
الفاكهة دي غنية بمادة الكاروتين ودي بتحمي الجسم من كل آثار العوادم والملوثات اللي في الهوا، زيها زي الجزر والبرتقال والفلفل الاحمر والخوخ.
 
- الخضار الغني بالكبريت:
القرنبيط والبروكلي وكل اللي من فصيلتهم مهمين جدًا في النظام الغذائي لان فيهم مواد بتقي من السرطانات.
 
- السلمون:
وسمك الماكريل والسردين كلهم غنيين بفيتامين اوميجا 3 واحماض دهنية مفيدة للجسم تقدر تحمي الرئة من تكوين الاورام.
 
- السبانخ:
الرئة محتاجة لمادة الفولات اللي موجودة في السبانخ والنباتات الورقية اللي من فصيليتها والبقول، لان الابحاث اثبتت ان المادة دي بتقلل فرص الاصابة بالسرطان.
 
- التقليل من اللحوم الحمرا:
 لانها مش مفيدة للجسم زي بقية البروتينات، لو خايفة على صحة جسمك قلليها في نظامك الغذائي تمامًا لانها بتزود فرص تكوين اورام سرطانية.
 
 


قولى رأيك

تابعنا علي فيسبوك