ازاي تحصلي على حمل صحي بعد الإجهاض

بواسطه شيرين مصطفى السبت , 7 يوليو 2018 ,9:47 ص

ازاي تحصلي على حمل صحي بعد الإجهاض


 
ازاي تحصلي على حمل صحي بعد الإجهاض، الإجهاض من الصدمات اللي ممكن تحصل لأي ست خلال فترة الحمل، وممكن يسبب فوضى ومشاكل كتير في حياتها وتدهور لحالتها النفسية، وبتقول بعض الدراسات، ان حوالي 40% من الستات بيتعرضوا للإجهاض.
طيب لو عديتي مرحلة الاجهاض، ودخلتي في حمل جديد، يا ترى تعملي ايه علشان تحافظي على الحمل؟، ده اللي هنقولك عليه في السطور اللي جاية:

1- المتابعة مع الدكتور:
لو كنتي اتعرضتي لحالتين أو أكتر من الإجهاض المتكرر، لازم تتابعي مع الدكتور المختص بحالتك، لان ممكن يكون الموضوع عندك وراثي وممكن يبقى ليه أسباب تانية، زي إن جدار الرحم ممكن يكون متهالك.
 
2- اعرفي المخاطر المحتملة:
من المخاطر المحتملة لو كان عمرك أكتر من 35 سنة وبتدخني أو عندك مشاكل صحية مستمرة، ده ممكن يقلل من الخصوبة عندك ويرفع معدل تعرضك للاجهاض.
3-  اتعاملي مع مشاعرك:
لو اتعرضتي لحالات من الإجهاض قبل كده، طبيعي تحسي بالتوتر والقلق وإن مشاعرك تكون متلخبطة من فرحتك بحملك وفي نفس الوقت خوفك من الإجهاض، علشان كده كل حاجة هتحسي بيها لازم تشاركي فيها جوزك والدكتور المتابع حالتك.
4- الاهتمام بالنفس:
مهم جدًا إنك تهتمي بنفسك بعد الإجهاض تعتني بيها لما تكوني حامل مرة تانية، كمان اتكلمي مع الدكتور المختص إذا كنتي في حاجة لأي نوع من الدعم للتعامل مع حزنك، خليكي فاكرة إن طلبك المساعدة من اللي حواليكي ميعتبرش حاجة غلط، لإن حسب بعض الدراسات، الستات اللي بيلجأوا للمشورة النفسية في حالات حمل بعد الإجهاض، بيكونوا قادرين على التعامل مع مشاكل الإجهاض بطريقة أفضل بكتير، كمان حملهم بيكون آمن بالمقارنة مع غيرهم من الستات.
5- متفقديش الأمل أبدًا:
وفقًا للدراسات، فالست لازم تتوقع لنفسها تجربة حمل ناجحة، حتى لو اتعرضت للإجهاض أكتر من مرة ويكون عندها أمل وتخطط لحياة طفلها الجاي.



قولى رأيك

تابعنا علي فيسبوك