خطوات ما بعد الانفصال

بواسطه شيرين مصطفى الإثنين , 9 يوليو 2018 ,9:30 ص

خطوات ما بعد الانفصال


خطوات ما بعد الانفصال، من اسوأ الحاجات اللي ممكن تحصل في اي علاقة حب ان تكون نهايتها الانفصال، ولو ده حصل، لهلوبة هتعرفك على خطوات لازم تاخديها في الفترة دي، علشان تقدري تتجازويها.

 

1- مسحه من كل مواقع التواصل الاجتماعي:

زي فيسبوك وانستجرام وتويتر، ممكن الخطوة دي تكون طفولية لكنها ضرورية، علشان تنهي العلاقة بشكل نهائي، وامسحي برضه كل الرسايل اللي بينكم والصور اللي بتجمعكم ببعض، علشان تمنعي نفسك من انك تشوفيها مرة تانية.

 

2- اجازة من مواقع التواصل:

حاولي تبعدي عنها لانها بتفكرك باللي بتعاني منه وبحبيبك السابق، سواء كان فيه بينكم اصحاب مشتركين او كان فيه رسايل بينك وبين حد من اصحابك عن علاقتك بيه.

 

3- ضعي اي حاجة تفكرك بيه في صندوق:

اعملي كده في اي حاجة بتفكرك بيه زي الهدايا او تذكرات صغيرة بينكم، او ارميها في الزبالة، لانها لو فضلت موجودة قدامك مش هتقدري تنسيه.

 

4- خططي لباقي الشهر:

الانفصال عن حبيبك بيديكي شعور بالوحدة والفراغ، وافضل حل علشان تتخلصي من الشعور ده هو انك لا تتركي ده يسطير عليكي واعملي قايمة بالحاجات اللي ناوية تعمليها وخططي لخروجات مع اصحابك وانشطة مختلفة تشغلك عن التفكير او الاحساس بالزعل.

 

5- ركزي في شغلك:

سواء كان روتيني وممل او كنتي بتستمتعي بيه، لانه بيشغلك عن التفكير في حبيبك السابق وبيوفرلك فرصة للتعامل مع الاخرين، غير انه بيحسن من حالتك النفسية وبيترك عقلك نشيط وفي حالة جيدة.



قولى رأيك

تابعنا علي فيسبوك