يا دلع اتدلع..اشهر اغاني الصبوحة
بواسطه شيماء عبدالشافي السبت , 11 نوفمبر 2017 ,5:43 م
.png)
الشحرورة او زي ما اتعودنا نقول "صبوحة" من اشهر فنانات زمن الفن الجميل، وبتعتبر في جيلها فنانة متكاملة، اتعرفت صباح بتمثيلها وادوارها المميزة بالاضافة لصوتها وغنائها في الافلام، واتشهرت بجمالها وضحكتها الحلوة، وكان لها شعبية كبيرة وجمهور عظيم، علشان كده لهلوبة جمعتلك اشهر اغاني الصبوحة من افلامها.
1- الدوامة:
"الحب الخطف له علامة ياخدك ويلف بحور ياما، ويسيب القلب فى دوامة"
"امشي فى السكة اشوف نفسي كده حلوة وروحي عجباني، واتمني اقابله ولو صدفه ويشوف تسريحتي وفستاني"
كلمات حسين السيد، الحان محمد الموجي وكانت من فيلم الايدي الناعمة سنة 1963، وشاركها في البطولة احمد مظهر - صلاح ذو الفقار - مريم فخر الدين - ليلى طاهر.
2- انا هنا يابن الحلال:
"انا ورا الشباك سهرانة بستناك علمت قلبي هواك من قبل ما تجيني ولا اتملاك"
"انت اسمراني جميل لك غية فى المواويل والقلب لك بيميل من قبل ما يكون لي نصيب وياك"
كلمات صلاح جاهين، والحان سيد مكاوي من فيلم العتبة الخضرا سنة 1959 ، شاركها البطولة اسماعيل ياسين - عمر الحريري - زينات صدقي - رياض القصبجي.
3- زي العسل:
"من صغرنا واحنا بنبني عشنا مع بعضنا، من حبنا يتعلم الطير مننا الهوى زينا"
"لو جابوا القمرمن العالي والنجوم حطوها على شاني راح أرد وأقول وأنا مالي ماقدرش أسيب حبيبي الغالي"
كلمات محمد حمزه، الحان بليغ حمدي.
4- عاشقة وغلبانة:
"ده انا كل حتة في توبي دايبة في هوى محبوبي"
"عيني يا قلبي علينا انا وانت مساكين يا عيني، ما بقاش فاضل لينا غير دمعك يا عين"
كلمات محمد حمزة، الحان بليغ حمدي فيلم كانت ايام سنة 1970 بطولة رشدي أباظة - صباح - نادية لطفي - عبدالمنعم ابراهيم - ميمي شكيب - حسين اسماعيل.
5- ساعات ساعات:
"اضحك والعب زي عصفورة ربيع، زي النسيم ما يعدي وفي لحظه يضيع .. اضيع"
"وتقيله خطوه الزمن .. تقيله دقة الساعات"
كلمات عبدالرحمن الابنودي ، الحان جمال سلامة، من فيلم ليلة بكى فيها القمر سنة 1980، بطولة حسين فهمي - نظيم شعراوي - نبيلة السيد - وحيد سيف.
6- يا دلع:
"لا تضيع و لا تضيعني دقة قلبك سمعني، وبحبك لا تلوعني قلبي من الحب ملوع"
"يا دلع يا دلع ادلع بين الحلوين اتطلع، روحي حبت روحك وقلبي فيك اتولع"
كلمات توفيق بركات، الحان فريد الاطرش.
7- الاقي زيك فين يا علي:
"اخاف عليك لـ تروح .. وتفوتني محتاره وتخلي دمعي يبزح .. بالسر للجاره"
"انت قريب الحياه .. وانا في الحياه طيرك"
كلمات عبدالعزيز سلام، الحان فريد الاطرش، فيلم لحن حبي سنة 1953 بطولة فريد الاطرش - عبد السلام النابلسي - اسماعيل ياسين - حسين رياض - زوزو شكيب - محمود المليجي - زكي إبراهيم.
8- لأ:
"إن كنت واخد على خاطرك قولي أصالحك، وإن كنت مش عارف عذرك قلبي مسامحك"
"ذنبي في حبك إني بحبك، ليه وحدي أحبك وانت لأ"
كلمات مأمون الشناوي ،الحان محمد الموجي من فيلم شارع الحب سنة 1958، بطولة عبد الحليم حافظ - صباح - حسين رياض - عبد السلام النابلسي - زينات صدقى- عبد المنعم ابراهيم- رياض القصبجى -حسن فايق.
9- امورتي الحلوة:
"لو شفتوا جمالها هتحتاروا ، والبيض والسمر هيتداروا، والحب هيحصل فيه ازمة وتسعيرته بتزيد"
"ياما نفسى اشوفها تتمختر فوق جنب الشمس، واكتب على باب السما يافطة ممنوع اللمس"
كلمات حسين السيد، الحان بليغ حمدي من فيلم نار الشوق سنة 1970 بطولة رشدى اباظة - حسين فهمى - هويدا - حمدى غيث.
10-يانا يانا:
"انت خايف من رموشي ما بيجرحوشي، دول حبايبك يا حبيبي"
"ولا خايف حبي ياخدك بحر تغرق فيه لوحدك، لا ده انا معاك يا حبيبي"
كلمات مرسى جميل عزيز، الحان بليغ حمدى من فيلم كانت ايام.
11- سلمولي على مصر:
"سلمولى ع الشوارع .. سلمولى عل الكباري"
"والسما والبدر طالع .. والهوا ساعة العصاري"
"سلمولى ع الحبايب اللي فاكر واللي ناسى"
"وان لقيتوا حد غايب ابعتولوا مية تماسى"
كلمات حسين السيد، الحان محمد الموجي، من فيلم نار الشوق.
أغاني السكن والحنين.. تشدو في ليالي الشتاء
خدى فكره
