نصايح فينج شوي لاختيار الوان الديكور

بواسطه شيرين مصطفى السبت , 7 يوليو 2018 ,9:55 ص

نصايح فينج شوي لاختيار الوان الديكور


اختيار ألوان ديكور البيت من الحاجات الصعبة واللي بتكون محتاجة لتركيز كبير، لانها بتكون على اسس من المعايير زي انها تجلب السعادة ومقاس الاوضة، ولهلوبة هتساعدك في المهمة دي، حسب الفلسلفة الصينية "الفينج شوي"، والتي نشأت من حوالي 4000 عام، وتعني فن التناغم مع الفضاء المحيط وتدفقات الطاقة المتولدة من خلال الاثاث والبيئة والتصالح مع النفس ومع الطبيعة المحيط بالإنسان، وبالطريقة دي يقدر يعيش بشكل ايجابي بدون توتر بالإضافة إلى انها بتأثر على حياته وصحته ومزاجه وعلاقته بالآخرين وبكل شيء حوله.

 

 

1-  معرفة الدور الاساسي للون في الفينج شوي:

زي ما قولنا ان الالوان لها تأثير هايل على الحالة المزاجية للاشخاص الموجودين في البيت، علشان كده يفضل تختاري لون مريح للعين تكوني بتحبيه زي الازرق او الاخضر او درجات البيج مثلا، لانهم من الالوان المساعدة على الاسترخاء.

2- الاختيار حسب اكتر شخص بيجلس في الاوضة وقت طويل:

من اهم الحاجات اللي لازم تكون في اعتبارك، وعلى سبيل المثال اللون الاحمر غير مناسب لاوضة الاطفال، لانه هيزعجهم وهما نايمين و وبالتالي لن يساعدهم في التمتع بليلة نوم هادية وده  بيأثر عليهم وعليكي بشكل سلبي.

3- جربي الالوان النارية في المساحات الحيوية بالبيت:

زي المكان المخصص للاكل او اللي بتتمرني فيه ببيتك، يفضل ان الوانهم تكون نابضتة بالحياة مثلا تدهنيها بالاحمر او الاصفر او البرتقالي، لانهم بيدوا طاقة ديناميكية للمكان تساعدك على الحركة وانك تكوني نشيطة وحيوية طول الوقت.

 

4- اللون الاحمر لا يجلب الحظ:

من اكبر الاخطاء اللي ممكن اشخاص كتير يرتكبوها، اختيار اللون الاحمر في كل ديكور البيت، لاعتقادهم انه بيجلب الحظ، وده غلط، ممكن تكتفي بدهان الباب بس به، لانه بيقلل من الاحساس بالتعاسة في كل مرة تدخلي او تخرجي فيها من البيت.

5- اختيار ألوان هادية لاوض النوم والمعيشة:

لان المفروض انهم بيلبوا احتياجاتك لما بتكوني عايزة ترتاحي او تسترخي بعد يوم شغل طويل، علشان كده يفضل تختاري في تصمميهم ألوان محايدة زي الازرق والاخضر.



قولى رأيك

تابعنا علي فيسبوك