اخطاء ابعدي عنها لاكتمال اناقتك

بواسطه شيرين مصطفى السبت , 7 يوليو 2018 ,10:01 ص

اخطاء ابعدي عنها لاكتمال اناقتك


اخطاء ابعدي عنها لاكتمال اناقتك، بعض البنات بيشتروا ملابس ماركات ومن اشهر المحلات، لكن الخطأ في تنسيقهم مع بعض بيفسد اناقتها، علشان كده في اخطاء لازم تعرفيها وتتفاديها في المستقبل، لاكتمال اناقتك.
 
1- ارتداء البنطلون والتوب الواسع مع بعض:
مفيش اي غلط في انك تلبسيهم، لكن الخطأ بيكون لما تلبسيهم مع بعض، لان ده بيفسد اطلالتك، اختاري مثلًا بلوزة ضيقة على بنطلون واسع او العكس.
 
2- عدم اختيار الجينز المناسب:
بلاش تجري وراء صيحات الموضة من غير ما تلتفتي للمناسب لجسمك، ممكن تكون الموضة هي ارتداء بنطلون جينز واسع، لكن جسمك يناسبه ارتداء السيكني مثلُا، اهتمي باللي يعزز من اناقتك.
 
3- ارتداء اكسسوارت مبالغ فيها:
كل قطعة من الملابس بيناسبها اكسسوارات ومجوهرات معينة، علشان كده يفضل عدم ارتدائها بشكل مبالغ فيه، ممكن قطعة صغيرة تفي بالمطلوب وتزود من جاذبيتك، مثلًا لو قررتي وضع حلقان كبيرة، يفضل هنا عدم ارتداء سلسلة في رقبتك او انسيال على ايدك، كل ما كنتي بسيطة بيزيد جمالك واناقتك.
 
4- توحيد الملابس:
بلاش تجعلي اطلالتك كلها موحدة في اللون، غير معقول ان البنطلون والبلوزة والحذاء والجزمة والشنطة يكون لونهم احمر مثلًا، ممكن تتبعي القاعدة دي وهي، لما تقرري ترتدي ملابس ألوانها زاهية يفضل انك توحدي لون الحذاء والشنطة مع بعض.
 
5- ارتداء ملابس داخلية خاطئة:
اختاري حمالة صدر وبانتي مناسبين، يفضل لا يكونوا واسعين او ضيقيين اوي، واعرفي ان ارتدائها بشكل خاطئ وغير متناسق مع هدومك، بيقلل من اطلالتك.



قولى رأيك

تابعنا علي فيسبوك