ليلة الحنة.. اعرفي تعملي فيها إيه

بواسطه علياء المحمدى السبت , 14 يوليو 2018 ,8:19 ص

ليلة الحنة اعرفي تعملي فيها إيه


ليلة الحنة.. اعرفي تعملي فيها إيه، ليلة الحنة من أجمل الاوقات اللي بتقضيها العروسة مع أهلها وصحابها، وحتى لو مش هترسم حنة فبيسموا الليلة اللي قبل الفرح ليلة الحنة، ولو عايزة تعرفي ايه اللي بيتعمل فيهان وتقضي وقت حلو، لهلوبة هتعرفك ايه مواصفات ليلة الحنة المثالية.

- متعزميش كل المعارف والقرايب والاصحاب، كفاية تعزمي كام بنت من القريبين ليكي من الأصحاب والعيلة.

- ليلة الحنة الهدف الأساسي منها هو تجميل العروسة، ولو هترسمي حنة على ايديك فلازم تختاري لبس سهل في قلعه، ومتنسيش ان اللبس ده يبقى فيه لمسة دلع وأنوثة.

- اختاري لبس ملون ومبهج، البسي لبس تقليدي زي الجلابية أو جديد زي الساري الهندي.

- خلي اصحابك يقترحوا عليكي أغاني أو انتي اختاري اغاني حلوة وتدي الجو بهجة وسعادة وبترقص.

- اهتمي بالأكل، اعملي بوفيه كأنك في الفرح، بس طبعًا مش بتكاليف بوفيه الفرح لكن خلي تقديم الأكل شيك ومنظم واعملي للمعزومين أكل يحبوه.

- جربي تستعيني بفيديوهات اليوتيوب علشان تعملي حاجة مبهجة مع المعازيم، زي فيديوهات تعليم الرقص الشرقي أو فيديوهات الايروبكس، متاخديهاش جد وكأنك بتتعلمي فعلا، بس حاولي تقلديهم وتضحكي مع اصحابك.

- لو هترسمي حنة لازم تكوني متخيلة الشكل اللي عايزة ترسميه، علشان اللي هيرسملك ميرتجلش ويعمل حاجة متعجبكيش.

- زي ما في تورتة فرح، اعملي تورتة حنة، طبعا اصغر من تورتة الفرح بس وجودها هيبقى شكله حلو على سفرتك.

- ديكور المكان في ليلة الحنة مهم يكون مبهج ودافي في نفس الوقت بيعكس احساس العروسة بالفرح والدفى اللي عاملينه العيلة والاصحاب حواليها.

- استخدمي مخدات كبيرة وقعدات عربي في الديكور، ابعدي عن الشمع علشان الحركة الكتير مع الشمع ممكن تبقى خطر، بس استخدمي إضاءة هادية.

- عطري المكان بروايح هادية وبلاش الروايح النفاذة أو اللي ممكن تتعب حد عنده حساسية.

- حضري هدايا رمزية للبنات اللي هتحضر الحنة علشان يفتكروا اليوم ده.

- ممكن تستعيني بمصور صديق أو تكتفوا بالسيلفي، المهم تاخدوا صور كتير مع بعض.

 

 



قولى رأيك

تابعنا علي فيسبوك