خلي بالك السكر بيأثر على تصرفات اولادك

بواسطه علياء المحمدى الخميس , 25 مايو 2017 ,6:56 م

خلي بالك السكر بيأثر على تصرفات اولادك


الأطفال بيحبوا الحلويات وصعب تمنعيهم منها تمامًا، لكن لازم تخلي بالك من نوعية وكمية الحلويات اللي بياكلوها لأن السكر ممكن يأثر على سلوك الطفل.

أغلب الأمهات مبتربطش بين أكل السكريات وسلوك الطفل، لكن مجموعة من الباحثين الأمريكين اثبتوا ان السكريات والدقيق الأبيض لهم تأثير كبير على تصرفات الطفل وطريقته في التعامل، وده لأن السكر والدقيق الابيض بيزودوا نسبة الجلوكوز في الدم بصورة كبيرة جدا، وعند الأطفال الأدرينالين بيفرز أكتر لما الجلوكوز نسبته بتعلى في جسمهم، وده بيأثر على تركيزهم وكفائتهم في التعلم واكتساب المعلومات.

وللسبب ده قال اختصاصي مرض السكر، الدكتور جايمي أوليفير، ان الأطفال لما بياخدوا سكريات كتير بيتعرضوا لأخطار زي السمنة ومرض السكر في سن مبكر وتسوس الأسنان وفوق كل ده بيبقى سلوكهم خارج عن السيطرة واستيعابهم أبطأ، ونبه على كل أم وأب انهم يخلوا بالهم كويس من كمية السكريات اللي بتدخل جسم أطفالهم. 



قولى رأيك

تابعنا علي فيسبوك